Олон улсын олимпийн хорооны 131 дүгээр чуулган өнгөрсөн долоо хоногт Перу Улсын Лима хотод болсон. Чуулганы үеэр ОУОХ-ны гүйцэтгэх зөвлөлийн гишүүн Денис Освальд “Бээжин-2008”, “Лондон-2012” зуны олимпийн наадмын үеэр 99 тамирчин хориотой эмийн бэлдмэл хэрэглэсэн болохыг мэдэгджээ.
Дэлхийн допингийн эсрэг агентлагийн шалгалтад бүдэрсэн дээрх 99 тамирчнаас ОХУ, Беларусаас тус бүр 16, Казахстанаас 12, Украинаас 11, Азербайжанаас зургаас, Туркаас тав, Армен, Молдав, БНХАУ, Куба, Узбекистан, Испани, Гүрж, Грек, Ямайка, Катар улсаас таваас ихгүй тамирчин допингийн шалгалтад бүдэрчээ. Спортын төрлөөр авч үзэхэд хүндийн өргөлтөөс 47, хөнгөн атлетикаас 43, бөхийн төрөл найм, боксоос нэг тамирчин допинг хэрэглэсэн байна.
Б.Орхон