Улсын Их Хурлын дэд дарга ИТАР-ТАСС агентлагт ярилцлага өглөө

Улсын Их Хурлын дэд дарга, Монгол-Оросын парламентын бүлгийн дарга Л.Цог цаг үеийн асуудлаар болон Орос, Монголын харилцаа, хамтын ажиллагааны талаар ИТАР-ТАСС агентлагт өнөөдөр ярилцлага өглөө.

ИТАР-ТАСС агентлагийн тусгай төлөөлөгч Павел Алексеевич Мыльцев УИХ-ын дэд даргаас эхлээд Халх голын 75 жилийн ойн арга хэмжээний бэлтгэл ажлын талаар тодруулсан юм.

УИХ-ын дэд дарга Л.Цог ноён Павел Алексеевич Мыльцевийг Монгол Улсад хүрэлцэн ирсэнд талархал илэрхийлээд Халх голын 75 жилийн ойн арга хэмжээний бэлтгэл ажлын талаар мэдээлэл өглөө. Түүнчлэн энэхүү арга хэмжээнд өндөр ач холбогдол өгч байгааг хэлээд ойн үеэр олон арга хэмжээ зохион байгуулахаар ажиллаж байгааг танилцуулсан. Тухайлбал ойн арга хэмжээний үеэр Монгол, Оросын цэргийн хамтарсан сургуулилт, “Халх гол-75 түүх, сургалт” эрдэм шинжилгээний бага хурал, ерөнхий боловсролын сургуулиудын дунд тэмцээн уралдаан зохион байгуулах, Халхын голын байлдааны ялалтын дурсгалын хүндэт тэмдэгийн загварыг гаргаж, хоёр талын ахмад дайчдыг шагнах зэрэг олон арга хэмжээ зохион байгуулахаар төлөвлөөд байгаа аж.

Мөн тэд Орос, Монголын харилцаа хамтын ажиллагаа, виз, зам тээвэр зэрэг олон асуудлаар ярилцаж, УИХ-ын дэд дарга Л.Цог ИТАР-ТАСС агентлагийн тусгай төлөөлөгчийн сонирхсон асуултад хариулт өглөө.

Г.Уянга
оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.