Өнгөрсөн бямба гарагт Шастины нэрэмжит гуравдугаар эмнэлэгт нэгэн ноцтой хэрэг гарлаа. Тодруулбал Сонгинохайрхан дүүргийн иргэн 29 настай Г гэгч залуу өш хонзонгийн сэдлээр эмнэлгийн сувилагч болоод өөр нэгэн иргэний биед халдаж хүзүүн тус газар нь хутгалж хүнд гэмтээсэн хэрэг гарсан байна. Тухайн залуу өмнөх өдөр нь ээжийгээ хэвтүүлэх гэсэн боловч ор байхгүй хэмээн эмч, ажилтнууд буцаажээ.
Ингээд тэр өдөртөө нэлээд хэрүүл шуугиан тарьсан залууг цагдаад мэдэгдэн саатуулжээ. Харин цагдаагийн байгууллага эрүүгийн хэрэг үүсгэх шаардлагагүй хэмээн орой нь суллан явуулжээ. Ингээд залуу бямба гарагийн өглөө ирж өрөөнд байсан сувилагчийн биед халдаж түүнийг хамгаалах гэсэн 24 настай залуу хоёрыг хүнд гэмтээжээ. Түүнчлэн тарианы өрөөнд байсан өөр нэг сувилагчийн биед халдахыг завдсан ч тэрбээр өмнө нь бие хамгаалах урлагаар хичээллэж байсан учир өөрийгөө хамгаалж чаджээ. Ингээд залууг цагдаагийн байгууллагад хүлээлгэн өгсөн байна.
Дээрх хэргээс харахад манай эмнэлгийн байгууллагын ачаалал хэд дахин давсан байдал, эмч нарын хүнд суртал, сувилагч ажилчдын ёс суртахуунгүй байдал энэ мэт ухамсар дорой иргэдийн уур хилэнг төрүүлж эцэстээ эрүүгийн хүнд гэмт хэрэг гарах шалтгаан болж байна. Энэ байдлыг таслан зогсоож энэ салбарт шинэчлэл хийхгүй бол эмч, ажилчид ажлын байрандаа халдлагад өртөж амь нас, эрүүл мэндээрээ хохирч болохыг дээрх хэрэг явдал харууллаа.
Б.Сансартуяа
Ингээд тэр өдөртөө нэлээд хэрүүл шуугиан тарьсан залууг цагдаад мэдэгдэн саатуулжээ. Харин цагдаагийн байгууллага эрүүгийн хэрэг үүсгэх шаардлагагүй хэмээн орой нь суллан явуулжээ. Ингээд залуу бямба гарагийн өглөө ирж өрөөнд байсан сувилагчийн биед халдаж түүнийг хамгаалах гэсэн 24 настай залуу хоёрыг хүнд гэмтээжээ. Түүнчлэн тарианы өрөөнд байсан өөр нэг сувилагчийн биед халдахыг завдсан ч тэрбээр өмнө нь бие хамгаалах урлагаар хичээллэж байсан учир өөрийгөө хамгаалж чаджээ. Ингээд залууг цагдаагийн байгууллагад хүлээлгэн өгсөн байна.
Дээрх хэргээс харахад манай эмнэлгийн байгууллагын ачаалал хэд дахин давсан байдал, эмч нарын хүнд суртал, сувилагч ажилчдын ёс суртахуунгүй байдал энэ мэт ухамсар дорой иргэдийн уур хилэнг төрүүлж эцэстээ эрүүгийн хүнд гэмт хэрэг гарах шалтгаан болж байна. Энэ байдлыг таслан зогсоож энэ салбарт шинэчлэл хийхгүй бол эмч, ажилчид ажлын байрандаа халдлагад өртөж амь нас, эрүүл мэндээрээ хохирч болохыг дээрх хэрэг явдал харууллаа.
Б.Сансартуяа
Оллоо.мн