Хорват Улсын Загреб хотноо жүдо бөхийн 2017 оны залуучуудын дэлхийн залуучуудын аварга шалгаруулах тэмцээн өчигдөр эхэллээ.
Энэ удаагийн ДАШТ-д 83 улсын 590 жүдоч хүч, ур чадвараа сорихоор сугалаа татсан байна. Тэмцээний хуваарь ёсоор өчигдөр эмэгтэйчүүдийн 44 кг, 48 кг, эрэгтэйчүүдийн 55 кг, 60 кг жингийн барилдаанууд тус тус болж, шилдгүүдээ тодрууллаа.
Эдгээр жинд манайхаас гурван бөх зодоглосноос хоёр нь медаль хүртэв. Тодруулбал, эрэгтэйчүүдийн 55 кг-д Б.Өнөболд, 60кг-д Ж.Амарболд нар тус тус хүрэл медаль хүртжээ. Харин эмэгтэйчүүдийн 48 кг-д зодоглосон Б.Хорлоо хоёрдугаар тойрогт Словений бөхөд ялагдсанаар тэмцээнээ дуусгасан байна.
Б.Орхон