УИХ-ын чуулганы нэгдсэн хуралдаанаар БХБ-ын сайдад Х.Баделханыг томилох асуудлыг хэлэлцэж байна. Гишүүд сайдын томилгоотой холбогдуулан асуулт асууж, хариулт авч байна.
Энэ үеэр УИХ-ын гишүүн А.Сүхбат "Төв цэвэрлэх байгууламжийг яах вэ. Хот өмхийрч байна. Олон улсын нисэх онгоцны буудлын ажлыг шуурхайлах хэрэгтэй байна" гэлээ.
Үүнд БХБ-ын сайдад нэр дэвшигч Х.Баделхан "Зам талбайн ус төв цэвэрлэх байгууламж руу орж байгаа юм байна. Төв цэвэрлэх байгууламжийн зураг төсөл гарсан. Нэлээн боломжийн зураг төсөл гэж манай яамныхан үздэг юм билээ. Хамгийн гол нь гарсан метан хийгээр эрчим хүч гаргах юм билээ. Мөн саарал усыг боловсруулаад дахин ашиглахаар зураг төсөлд тусгагдсан. Энэ барилга нэг удаа концессийн тендэр зарлагадаад авах эзэн олдоогүй. Тийм учраас хөрөнгийн асуудлыг шийдэх хэрэгтэй юм билээ" гэв.
П.Гоо
olloo.mn