Олимпийн эрхийн оноо олгох 3х3 сагсан бөмбөгийн Ази тивийн аварга шалгаруулах тэмцээн энэ сарын 27-29-ний өдрүүдэд Улаанбаатар хотод болж байна. Тус тэмцээнд 15 орны эрэгтэй, эмэгтэй багууд оролцож буй юм.
Монголын эрэгтэй шигшээ баг өчигдөр хэсгийн тоглолтоо хийж дуусгалаа. Тэд эхний тоглолтоо Бахрайны багтай хийж 22:11 харьцаагаар хожсон бол хоёр дахь тоглолтдоо Ази тивийн хүчирхэг Японы багийг цаг дуусахаас өмнө 21:16 харьцаатай хожжээ. Ингэснээр манай шигшээ А хэсгээс нэгдүгээр байраар гарах болзлоо хангалаа.
Манай залуус өнөөдөр амрах ба маргааш 12:40 цагаас С зооны хоёроор гарсан багтай тоглоно.
Б.Орхон