Нийслэлийн 378 жилийн ойг тохиолдуулан Улаанбаатар хотод бүтээн байгуулалтын ажлууд шат дараатайгаар хийгдсээр байна. Энэ ажлын хүрээнд өнөөдөр “Аз жаргалтай Улаанбаатар хот” чимэглэлийн хөшөөг Сөүлийн гудамжинд байршууллаа. Хөшөөг уран барималч Л.Гантөмөр, Т.Даваасамбуу нар бүтээжээ.
“Улаанбаатар хотод зүлэг талбай, барималууд дутмаг байдаг. Нийслэлийн удирдлагуудын санал болгосноор энэхүү баримал маань хийгдсэн. Аз жаргалтай гэр бүлийг харуулсан бүтээл байгаа. Хотын өнгө үзэмжинд эерэгээр нөлөөлнө гэдэгт итгэлтэй байна. Хөшөөг холимог техникийн аргаар хийсэн” хэмээн Уран барималч Т.Даваасүрэн ярилаа.
Нийслэлийн хэмжээнд нийт 230 гаруй хөшөө дурсгал, түүхт газрууд байдаг аж. Үүнээс хувь хүний болон тэмдэглэлт үйл ажиллагаатай холбоотой 80, хот чимэглэлийн зориулалтаар бүтээсэн 80 гаруй уран баримал, хөшөө байгаа юм. Үүний дийлэнхийг хуучны барилмал эзэлдэг юм байна.