Нийслэлийн цэцэрлэгчдийг АНУ-д дадлагажуулахаар боллоо
Нийслэлийн засаг дарга бөгөөд Улаанбаатар хотын Захирагч Э.Бат-Үүл өнөөдөр АНУ-ын Денвер хот дахь өргөмжит консул Жеймс Вагенлендер тэргүүтэй төлөөлөгчдийг хүлээн авч уулзлаа. Уулзалтын эхэнд ноён Жеймс Вагенлендер Засаг даргатай дахин уулзсандаа баяртай байгаагаа илэрхийлээд “Нисэхээс ирэх замдаа та бүхний хийж буй ажлыг харлаа. Жил ирэх бүр Улаанбаатар хот шинэчлэгдэн өөрчлөгдөж байна. Маш их ажил хийж байгааг тань харахад сайхан байна”гэлээ.

Засаг дарга хариуд нь Бидний хийж буй ажлыг анзаарч өндөөр үнэлж байгаад баярлалаа. Гэтэл сүүлийн 2 жилд маш их бороотой байгаа тул бүтээн байгуулалтын улиралд борооны завсраар л ажлаа амжуулж байна гээд өнгөрсөн жилийн уулзалтаар ярисан асуудлуудыг тодруулан ярих боломж олдоно гэдэгт найдаж байгаагаа илэрхийллээ. Өргөмжит консул “Хамгийн эхэнд танд дуулгах сайханмэдээ бол бид сурагч солилцооны хөтөлбөрт зориулж сан нээсэн бөгөөд энэ санд 70 мянга гаруй доллар цуглараад байна. Сан босгох үйл ажиллагаанд Денвер хотын цэцэрлэгт хүрээлэн маш идэвхтэй оролцсон гэдгийг танд дуулгая. Энэ удаагийн уулзалтаар Денвер хотын дарга Майкл Ханкүүкийн 2015 оны айлчлал, сурагч солилцооны хөтөлбөр, барилгын мэргэжлээр Колорадогийн их сургуульд оюутан сургах, Денвер хотын цэцэрлэгт хүрээлэнд цэцэрлэгч дадлагажуулах, үл хөдлөх хөрөнгийн чиглэлээр өнгөрсөн жилээс ярьсан ажлуудынхаа талаар ярилцах таны саналыг дэмжиж байна гэсэн юм.

Улаанбаатар Денвер хотууд нь эгч дүүгийн найрамдалт хотууд бөгөөдхотын дүрэм боловсруулах, сурагч солилцоо, цэцэрлэгт хүрээлэн байгуулах тал дээр хамтран ажиллаж байгаа юм. Энэ удаагийн уулзалтаар Колорадогийн их сургуульд Денвер хотын зардлаар 2, Улаанбаатар хотын зардлаар 1 оюутныг барилгын чиглэлээр сургах, Улаанбаатар хотоос 2 мэргэжилтнийг Денвер хотын захиргаанд дадлага хийлгэх, 2 цэцэрлэгчийг Денвер хотын цэцэрлэгт хүрээлэнд дадлагажуулах, үл хөдлөх хөрөнгийн чиглэлээр хамтран ажиллах талаар харилцан тохиролцлоо.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ddd 2014-08-19 02:34:59
    nowshnuud hiih yumaa olj ydah yumaa...........
    49.156.0.82
    Мэдэгдсэн Хариулах
  • dddd 2014-08-13 15:17:19
    Тэнд харалчихваа;)
    202.21.106.103
    Мэдэгдсэн Хариулах
  • Дашдорж 2014-08-13 14:26:34
    Өө, за цэцэрлэгчээр ажилд оръё. Оруулаад өгөх хүн байна уу. Мөнгийг нь шууд өгнө.
    112.72.13.151
    Мэдэгдсэн Хариулах
  • дадлага 2014-08-13 11:04:46
    Якутад дадлагажуулаач ээ.
    112.72.13.255
    Мэдэгдсэн Хариулах
  • Болдбаатар 2014-08-13 09:58:44
    Ард түиний амьдрал доройтож эдийн засгийн хямрал болж байхад ямар их мөнгөтэй юм. Арай дэндэж байнаа. Заавал гадаадад дадлагажих ёстой бол Орос Хятад улс ч гэсэн Амеркаас дутахгүй цэцэрлэгжүүлэлт хөгжсөн газар шүү дээ. Дараа нь цэвэрлэгч, жолооч нараа яв
    202.131.233.11
    Мэдэгдсэн Хариулах