Баянзүрх дүүрэг дэх Мэргэжлийн хяналтын хэлтсээс тус дүүргийн нутаг дэвсгэрт үйл ажиллагаа явуулж буй түргэн үйлчилгээний цэгүүдэд урьдчилан сэргийлэх хяналт шалгалтыг энэ сарын 19-ний өдрөөс хийж эхэлжээ. Одоогоор шалгалтад 126 цэг буюу нийт түргэн үйлчилгээний цэгийн 63 хувь нь хамрагдаад байгаа аж.
Хяналт шалгалтын хүрээнд илэрсэн зөрчил дутагдлыг арилгуулах, холбогдох хууль тогтоомжийг хэрэгжүүлэхээр зөрчил гаргасан нэг ААН-д 480,0 мянган төгрөг, 29 иргэнд 1450,0 мянган төгрөгний шийтгэлийн арга хэмжээ авчээ. Мөн нийт 437,3 мянган төгрөгний чанар, аюулгүйн шаардлага хангахгүй 425 ширхэг хүнсний бүтээгдэхүүн, бэлэн гарсан хоолыг устгаж, 375 ширхэг 1262,2 мянган төгрөгийн тамхийг хураан авч, улсын орлого болгохоор шийдвэрлэжээ. Түүнчлэн түргэн үйлчилгээний цэгт хоолны газар ажиллуулж байсан гурван иргэний үйл ажиллагааг улсын ахлах байцаагчийн актаар зогсоох шийдвэр гаргасан байна.
Б.Орхон