Ялтан шилжүүлэх гэрээний хэрэгжилтийг сайжруулах чиглэлээр хамтран ажиллахыг хүсэв

Гадаад харилцааны сайд Д.Цогтбаатар Монгол Улсад албан ёсны айлчлал хийж байгаа БНХАУ-ын Хууль зүйн сайд Жан Жюнтэй өнөөдөр уулзлаа.

Уулзалтын үеэр сайд Д.Цогтбаатар Монгол, Хятадын найрсаг харилцаа, хамтын ажиллагаа бүхий л салбарт өргөжин хөгжиж, улс төрийн итгэлцэл, харилцан ойлголцол улам бүр гүнзгийрч байгаад сэтгэл хангалуун байгаагаа илэрхийлээд хоёр улсын харилцаа богино хугацаанд Иж бүрэн стратегийн түншлэлийн түвшинд хүрсэн нь бүс нутагтаа үлгэр жишээ болж байгааг тэмдэглээд энэхүү харилцааг хөгжүүлэхэд хоёр улсын хууль зүйн салбарын хамтын ажиллагаа чухал байр суурь эзэлж байгааг онцлов.

Цаашид хоёр улсын иргэд хоорондын харилцан ойлголцол, итгэлцлийг бэхжүүлэх, БНХАУ-д ял эдэлж буй Монгол иргэдэд анхаарал тавьж, хоёр улсын засгийн газар хооронд байгуулсан ялтан шилжүүлэх гэрээний хэрэгжилтийг сайжруулах чиглэлээр хамтран ажиллахыг хүссэн болно.

БНХАУ-ын Хууль зүйн сайд Жан Жюнь Монгол Улсад хийж буй айлчлалаа амжилттай болж байгаад сэтгэл өндөр байгаагаа илэрхийлэхийн зэрэгцээ ял эдэлж буй Монгол иргэдийн үлдсэн ялаа  эх орондоо эдлэх хүсэлтийг шуурхай шийдвэрлэх тал дээр анхаарч ажиллахаа мэдэгдэв.

Эх сурвалж:  ГХЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.