Малчин Г.Сэнгэдорж: Солонгосоос  нутагтаа ирээд мал маллаж амьдралаа баталгаажуулсан

ХХААХҮ-ийн сайд Б.Батзориг Сэлэнгэ аймгийн Баянгол сумын малчин Г.Сэнгэдоржийн өвөлжилтийн бэлтгэлтэй танилцлаа. Эднийх өвлийг өнөтэй давах бэлтгэлээ бүрэн базаасан байлаа.

Өвөлжилтийн бэлтгэл гэдэг малчид биднээс их шалтгаална. Малынхаа өвс, тэжээлээс гадна түлээ түлш, аргал, хоол ундаа базаах,  өвөлжөөгөө төхнүүлэх гээд малчин бидний холч ухаан,  хөдөлмөрч зан маш чухал хэмээн Г.Сэнгэдорж хуучилсан. Тэрбээр биеийн тамирын багш мэргэжилтэй. 1992 онд БНСУ-д ажил хөдөлмөр эрхлэж байгаад 2003 онд нутагтааа ирж малчин болжээ.

Г.Сэнгэдорж 14 жил мал маллаж өдгөө бог бод нийлсэн 800-гаад малтай, сумын аварга малчин  өнөр өтгөн өрх юм.  Тэрбээр хүний нутагт хөдөлмөрөө мөлжүүлж байснаас эх нутагтаа ирж, халуун хошуут малаа дагасан нь миний “амьдралын баталгаа” болсон  хэмээн залуучуудад хандан хэлж байсан.

Г.Сэнгэдорж 100-гаад үхэртэй цаашдаа үхрийнхээ чанарыг сайжруулах тал дээр анхаарч, махны чиглэлийн үхрийн аж ахуйг хөгжүүлэх зорилготой. Ер нь малчид эрчимжсэн мал аж ахуйг эрхлэх сонирхолтой болсон. Малын тооноос илүү чанарт анхаарч байгаа энэ бодлогыг Хүнс, хөдөө аж ахуй хөнгөн үйлдвэрийн яам мал аж ахуйн салбарыг хөгжүүлэх чиглэл болгон ажиллаж байгаа гэдгээ Сайд Б.Батзориг тодотгон хэлсэн. 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Коммунизмын хий үзэгдэл гэдэг шиг 2017-11-15 08:53:32
    "Хүний нутагт хөдөлмөрөө мөлжүүлж" гэдгээ харьцуулаад үзээрэй. Өөрийн чинь нутагт солонгост авдагийн чинь ядаж талтай тэнцэх хөлс цалин өгдөг газар байна уу.
  • НУТАГТАА САЙХАН АМЬДРАХ БОЛОМЖ 2017-11-14 04:42:48
    ГЭР БҮЛЭЭСЭЭ ХОЛ, ХҮНИЙ НУТАГТ ХӨДӨЛМӨРӨӨ "МӨЛЖҮҮЛЖ" ЭРҮҮЛ САЙХАН БИЕЭ ХЭДХЭН ТӨГРӨГӨӨР СОЛЬЖ ИРЖ БАЙГАА ЗАЛУУСД СУРГАМЖТАЙ Л ЮМ БАЙНА
  • Зочин 2017-11-13 16:06:59
    Төрийн тэргүүн шиг олон малтай боломжын айл бэлдүүлж оччихоод нэг их ажил хийсэн төрхтэй суух юм. Өвөлд сайн бэлтгээгүй бодит айлуудаар орж зөвлөж тусламаар юм....