ДАШТ-д зодоглох бөхчүүд Польшийг зорив

Чөлөөт бөхийн 23 хүртэлх насны ДАШТ энэ сарын 23-26-ны өдрүүдэд Польшийн Быдгощ хотод болно. Анхны дэлхийн аваргад манай улс эрэгтэй, эмэгтэй бүтэн багаараа оролцох бөгөөд Монголын багийн түрүүч буюу эмэгтэй тамирчид маань өнөө өглөө Польш улсыг зорив.

Нэг сарын өмнө Сэлэнгэ аймагт болсон олимп, ДАШТ-ий хүрэл медальт, алдарт бөх Дугарсүрэнгийн Оюунболд агсны нэрэмжит тэмцээний жин тус бүрийн аваргууд Быдгощыг зодоглох эрх авсан билээ. Тодруулбал, эмэгтэйчүүдийн 48 кг-д спортын мастер Б.Чимгээ, 53 кг-д ОУХМ Г.Отгонжаргал, 55 кг-д спортын мастер Б.Болортуяа, 58 кг-д ОУХМ А.Батцэцэг, 60 кг-д ОУХМ Э.Гантуяа, 63 кг-д спортын мастер Х.Болортуяа, 69 кг-д спортын мастер М.Хишигмаа, 75 кг-д спортын мастер П.Номин-Эрдэнэ нар Польшийн дэвжээнд зодоглоно. Тэд үндэсний шигшээ багийн ахлах дасгалжуулагч Б.Баттулга, гавьяат дасгалжуулагч Ц.Баярсайхан нарын хамт өнөөдөр Польшийг зорьсон юм.

Эмэгтэйчүүдийн 55, 58, 63, 75 кг 23-нд, 48, 53, 60, 69 кг-ын жингийн барилдаан 24-нд болно.

Б.Орхон


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.