Орхон аймагт гурван ихэр хүүхэд мэндэлжээ. Ихрүүд өчигдөр өглөө буюу арваннэгдүгээр сарын 29-ний өглөөний 8 цаг 40 минутад тус аймгийн БОЭТ-ийн Төрөх, эмэгтэйчүүдийн тасагт мэндэлсэн байна.
Ихрүүдийн нэг нь хүү, хоёр нь охин аж. Тэд 2кг 200, 2 кг 150, 2 кг 140 граммын жинтэй төржээ. Эх хүүхдүүдийн биеийн байдал сайн байгаа гэж БОЭТ-ийн Төрөх, эмэгтэйчүүдийн тасгийн эрхлэгч Б.Эрдэнэбулган хэллээ.
Гурван ихрийн ээж Б.Солонго нь гурав дахь төрөлтөөрөө ийнхүү гурван ихэр хүүхэд төрүүлсэн байна. Тэрбээр хэлэхдээ “Нэг сартай байхдаа гурван ихэр гэдгийг нь мэдсэн. Маш их баярласан. Хүүхдүүдийг маань эсэн мэнд эх барьж авсан БОЭТ-ийн Төрөх, эмэгтэйчүүдийн тасгийн хамт олонд маш их талархаж байна” гэлээ.
Ихрүүд 5 болон 7 настай хоёр ахтай юм байна.
Ихрүүд 5 болон 7 настай хоёр ахтай юм байна.
Б.Орхон