“Эрдэнэт хотын өдөр”-ийг тохиолдуулан шөнийн гэрэлт гудамжийг нээнэ
Орхон аймгийн ИТХ-ын тогтоолоор Эрдэнэт хотыг бий болгох тухай Сайд нарын зөвлөлийн тогтоол гарсан 12 дугаар сарын 11-ний өдрийг тэмдэглэн өнгөрүүлж байхаар шийдвэрлэсэн.
 
Тэгвэл энэхүү өдрийг тэмдэглэн өнгөрүүлэх үйл ажиллагаа маргааш “Уурхайчин” соёлын ордонд загварын шоу үзүүлбэр, үзэсгэлэн худалдаагаар эхлэх юм байна. Үргэлжлүүлэн арванхоёрдугаар 09-ний өдрөөс эхлэн тус аймгийн Музей, “Хөх Монгол” цогцолбор, “Сархиа” цанын бааз гэх мэт зарим байгууллагууд иргэдэд үнэ төлбөргүй үйлчилгээ үзүүлж эхлэх аж. Мөн 10-11-ний өдрүүдэд Эрдэнэт хотын томоохон худалдааны төвүүд болон үйлчилгээний газрууд 10-50 хувийн хөнгөлөлттэй үйлчилгээнүүдийг үзүүлэх юм байна.
 
Түүнчлэн Эрдэнэт хотын шөнийн анхны гэрэлт гудамжны нээлтийн ажиллагаа болохоос гадна “Амар”-ын талбайд “Гурван бүдүүн”, “Сүнс” зэрэг хамтлаг дуучид ирж ая дуугаа өргөж, карнавал шоу зохион байгуулагдах аж.

Эдгээр өдрүүдэд нийтийн тээврийн үйлчилгээ эрхэлдэг “ББ-Од” ХХК, “Автомастер төв” ХХК, “Тод од транс” ХХК зэрэг аж ахуйн нэгжийн автобусууд иргэдэд үнэ төлбөргүй үйлчилгээ үзүүлэх юм байна.
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Delegnyam Purevbaatar 2017-12-07 05:34:35
    Шөнийн гэрэлт гудамж гэж аль хэсэгт вэ.Худалдааны гудамжийг шөнийн гудамж болгох санал юу болсон вэ.