Засгийн газар тэтгэврийн зээлийн хүүг бууруулах чиглэл өглөө

Засгийн газрын ээлжит хуралдаан өчигдөр болсон. Хуралдаанаас Тэтгэвэр барьцаалсан зээлийн хүүг үе шаттай бууруулах чиглэлээр Монголбанк, арилжааны банктай хамтран ажиллахыг Хөдөлмөр, нийгмийн хамгааллын сайд С.Чинзоригт даалгажээ.

Зээлийн хугацааг бүх банкинд адил байхаар тогтоох, тэтгэвэр барьцаалсан зээл олгох зориулалтаар банкинд байршуулж байгаа Нийгмийн даатгалын сангийн эх үүсвэрт заавал байлгах нөөцийн хэмжээг тогтоохгүй байх талаар судлан шийдвэрлэхийг Монголбанкны Ерөнхийлөгч Н.Баяртсайханд зөвлөв.

Хөдөлмөр, нийгмийн хамгааллын яам Нийгмийн даатгалын сангийн чөлөөт үлдэгдлээс онцгой нөхцөлтэйгээр банкуудад эх үүсвэр байршуулж, тэтгэвэр барьцаалсан зээлийг 12 сарын хугацаатай авах бол сарын нэг хувь, жилийн 12 хувь болгон тогтоож, энэ сараас эхлэн хэрэгжүүлэхээр ХААН болон Төрийн банктай хамтран ажиллаж байна.  

Өнгөрсөн оны байдлаар Нийгмийн даатгалын сангаас 381 гаруй мянган хүн 10 банкаар дамжуулан тэтгэврээ авч байна. Эдгээрээс 230 гаруй мянган хүн 680 тэрбум төгрөгийн зээлийг жилийн 18 хувийн хүүтэй, 36 сар хүртэл хугацаагаар тэтгэврээ барьцаалж авчээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ. 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Тэтгэвэрийн хөгшин 2018-01-04 09:02:03
    Сүүлд тэтгэвэрт гарч байгаа хүмүүсийн тэтгэвэр өндөр юмаа. Харин өмнө гарсан хүмүүсийнх их бага байна. тэтгэвэрийн зөрүүг арилгаж өгөөч.
    202.9.43.197
    Мэдэгдсэн Хариулах
  • daga  2018-01-04 07:54:44
    dood tetgevriig nemershe
    112.72.8.98
    Мэдэгдсэн Хариулах
  • хуульч 2018-01-04 05:11:53
    ХӨГШИДЫНХӨӨ ТЭТГЭВЭРИЙГ НЭМЭЭ ЧЭЭ??? НЭГ ХЭСЭГ НЬ НЭГ САЯ ТӨГРӨГ АВЧ БАЙХАД НЭГ ХЭСЭГ НЬ /хоер зуун далан мянгыг /АВЧ БАЙНА ШҮҮ ДЭЭ?? ЭНЭ ШУДАРГА ЁС МӨН ҮҮ???
    202.9.43.197
    Мэдэгдсэн Хариулах