Монголбанкны захиалгаар Үл хөдлөх хөрөнгийн Тэнхлэг зууч компанийн хараат бусаар хийсэн “Орон сууцны үнийн индекс”-ийн судалгааны 2017 оны 12 дугаар сарын үр дүнг танилцуулж байна.
Тус судалгаагаар өнгөрсөн сард Орон сууцны үнийн ерөнхий индекс 1.013 болж суурь үеэс 1.3 хувиар өсчээ. Энэ нь өмнөх сараас 0.22 хувиар, өнгөрсөн оны мөн үетэй харьцуулахад 0,34 хувиар өссөн үзүүлэлт юм. Харин үнийн индексийн үзүүлэлтийг шинэ орон сууц, хуучин орон сууцаар ангилж үзвэл:
Шинэ орон сууцны үнийн индекс 1,164 гарчээ. Энэ нь өмнөх сараас 0.32 хувиар, өнгөрсөн оны мөн үетэй харьцуулбал 0,75 хувиар өссөн байна.
Хуучин орон сууцны үнийн индекс 0,912. Суурь үеэс 8,80 хувийн бууралттай гарчээ. Энэ нь өмнөх сараас 0,28 хувиар, өнгөрсөн оны мөн үеэс 1.16 хувиар буурсан үзүүлэлт юм.
Үзүүлэлт |
Ерөнхий |
Шинэ о/с |
Хуучин о/с |
Индекс |
1,013 |
1,164 |
0,912 |
Индексийн өөрчлөлт /суурь үе-2013.01/ |
1,28% |
16,38% |
-8,80% |
Өмнөх сартай харьцуулахад |
0,22% |
0,32% |
-0,28% |
Оны эхэнтэй харьцуулахад |
0,34% |
0,75% |
-1,16% |
Өмнөх оны мөн үетэй харьцуулахад |
0,34% |
0,75% |
-1,16% |
ОСҮИ-ийг тооцоолохдоо тухайн сард Улаанбаатар хотод борлуулагдахаар зах зээлд нийлүүлэгдсэн шинэ, хуучин нийт 4840 орон сууцны мэдээллийг хамруулжээ.
Г.Зул