Ерөнхийлөгч Сүхбаатар аймгийн иргэдтэй уулзав

Монгол Улсын Ерөнхийлөгч Х.Баттулга өчигдөр Сүхбаатар аймгийн иргэдтэй уулзаж, ярилцлаа.

Уулзалтын эхэнд Төрийн тэргүүн “Сүхбаатар аймгийн иргэд та бүхэнд энэ өдрийн мэнд хүргэе. Иргэдээ сонсох зорилготой уулзалтыг нийслэлийн долоон дүүрэгт хийж, орон нутагт үргэлжлүүлж байна. Уулзалтаар ямар асуудал яригдаж байгааг та бүхэн хэвлэл мэдээллийн хэрэгслээр харж байгаа байх. Ихэнх иргэд ядуурал, ажилгүйдэл ярьж, шударга ёсыг үгүйлж байна. Энэ уулзалтан дээр та бүхэн орон нутагт байгаа байр байдлаа илэн далангүй яриарай. Болох, болохгүй зүйлсээ хэлж, УИХ, Засгийн газрыг шахаж ажиллах юм. Ингээд та бүхнийг сонсъё” гээд уулзалтыг эхлүүлэв.


Сүхбаатар аймгийн Баруун-Урт сумын 7-р багийн иргэн Галбадрах

Хүн амьд явахдаа олон юм үздэг юм байна. Сонгуульд оролцохдоо намууд мөрийн хөтөлбөр дэвшүүлээд, түүнийг нь ард түмэн харж байгаад сонголтоо хийдэг. Гэтэл амлалт нь иргэдийнхээ эсрэг болдог сонин юм. Татвар нэмэхгүй гэж байсан гэтэл нэмчихлээ. Ард түмэн элгээрээ хэвтлээ. Уг нь, ард түмэн сонин телевизээр их л ярих юм. Гэвч, хүлээж авахгүй юм. Хоёрдугаарт, тэтгэвэр нэмнэ, тэтгэврийн зөрүү арилах нь гээд л хөөрөөд байсан чинь бүгдийг нь 27 мянгаар л нэмэх юм гэнэ. Тэтгэврийн насыг бас нэмлээ. Залуу хүмүүст ажил олдохгүй байхад бид 65 хүртлээ лаглайгаад суугаад байх юм уу. Зарим нь тэтгэврээ авч чадахгүй бурхны орондоо явах юм байна. Энэ бүхнийг яахаа мэдэхгүй дээшээ тэнгэр хол, доошоо газар хатуу болчихлоо, Ерөнхийлөгч өө. Одоо танд л хэлье гэж бодож байна.

Сүхбаатар аймгийн иргэн Цогдэлгэр

Идэр есийн хүйтэнд ард иргэдийнхээ санаа бодлыг сонсох гэж яваа эрхэм Ерөнхийлөгч танд баярлалаа. Сүүлийн үед эрх мэдэлд очсон, тамга тэмдэг барьсан хүмүүс Монгол Улсын баялгийг  гадаад, дотоодод зарж, ард түмнийг ядууруулж байна. Асар их хэмжээний мөнгийг цөөхөн хэдхэн хүн гадаадад гаргасан гэж байна. Тэр оффшорын хөрөнгийг улс, эх орондоо оруулж ирмээр байна. Хэрвээ, тэгвэл тэр мөнгөөр нь өр шир дарахад тус, нэмэр болох байх гэж бодож байна. Одоо татвар нэмчихээр ард түмэн дургүйцэж байгаа шүү гэдгийг танд захьж хэлье.

Сүхбаатар аймгийн иргэн Чулуунбаатар

Монголын ажилтан анги хэлмэгдэж байна. 1990 онд ажилчин анги хүрзнээс өөр хөрөнгөгүй үлдсэн хүмүүс. Тэдэнд хөрөнгө, мөнгө үлдээгүй. Одоо хоёр дахиа буюу арай гэж тэтгэвэрт гарах гэж байхад нь тэтгэвэрт гарах насыг 65 болгоно гэж байна. Гэтэл хөөрхий бид бурхны оронд заларчихна шүү дээ. Та үүнийг дамжуулж өгөөч.

Хоёрдугаарт, би хувиараа бизнес эрхэлж 40-өөд хүнийг ажлын байртай байлгаж чадаж байсан. Өнөөдөр би 20 ажилтнаа тэжээх гэж үнэхээр их ядарч, зүдэрч байна. Үнэхээр хүнд байна. Зарим нь эхнээсээ Солонгос явах юмсан гэж байна. Тэнд очиж боолын хөдөлмөр хийж байгаа ч мөнгө олох нь сайхан байх л даа. Гэхдээ эх орондоо яагаад сайхан амьдарч болохгүй байгаа юм бэ. Энэ тал дээр бодлого баримталж дорвитой хөдлөх хэрэгтэй байна шүү.

Сүхбаатар аймгийн Түвшинширээ сумын Үнэг төвийн иргэн Л.Нарангэрэл

Малчин бид өглөө нарнаас үдшийн бүрий хүртэл ажилладаг. Малчдын маань малын үнэ хямд, арьс шир мөн л хямд байна. Амьдрахад бэрхшээл тулгарч байна гэдгийг Ерөнхийлөгч болоод УИХ-ын гишүүдэд хэлмээр байна. Малынхаа түүхий эдийг боловсруулдаг үйлдвэр байгуулбал яасан юм бэ гэж манай малчид санал тавьдаг юм. Энэ саналыг хүлээн авна уу гэж хүсмээр байна.

Сүхбаатар аймгийн 1-р багийн иргэн Энхбаатар

Та бол Монгол Улсын батлан хамгаалах салбарын тэргүүлэгч хүн. Энэ талаас нь хэдэн зүйл хэлмээр байна. Нэгдүгээрт, цэргийн алба хаах хугацааг 2-3 жил болгохыг миний уулзсан иргэд хэлж, ярьж байдаг юм. Сүүлийн үед ч гэсэн яригдаад байгаа. Одоогийн бүтээн байгуулалтын үндэс суурийг цэргийнхэн тавьсан байдаг шүү. Үүнийг Сүхбаатарчууд мэдэж байгаа байх. Тиймээс хугацаат цэргийн албыг хоёроос дээш жил болгож, ялангуяа уул уурхай зэрэг томоохон төслүүдэд цэргүүдээ ажиллуулах хэрэгтэй гэсэн санал хэлмээр байна.

Сүхбаатар аймгийн иргэн Батсайхан

Монгол Улсын Ерөнхийлөгчийн хууль санаачлах  эрхийг зөрчсөн үйлдэл гарах гээд байна. УИХ-ын гишүүд 10 мянга гаруй иргэнээс сонгогддог. Харин Монгол Улсын Ерөнхийлөгч 600 мянга гаруй иргэнээс сонгогдсон. Тэгтэл 10 мянган хүний төлөөллийн хууль санаачлах  эрх нь хэвээрээ, Монгол Улсын Ерөнхийлөгчийн хууль санаачлах  эрхийг хязгаарлах гээд байгаа нь ёстой нөгөө олны хэлдгээр ариун явдал юм уу. Бид нар чинь бас тэнэг биш. Сошиал дээрээс энгийн тандалтын судалгааг 5000 хүний дунд хийхэд 3121 хүн хамрагдаж, 63 хувь нь Ерөнхийлөгчийн хууль санаачлах  эрхийг хасах нь буруу гэж байгаа юм. Тэгэхээр иргэдийг тэнэг, цагаан цаас гэж үзэж болохгүй шүү” гэв.


 

Уулзалтын төгсгөлд Ерөнхийлөгч Х.Баттулга иргэдийн асуусан асуултад хариулж, оффшор бүс, Монгол цэрэг бүтээн байгуулалтад хөтөлбөр, аж үйлдвэр, түүхий эд, татвар, тэтгэвэр, төрийн одон медаль, орон нутгийн хөгжил зэрэг олон сэдвээр яриа өрнүүллээ.

Мөн Ерөнхийлөгч “Уулзалтад идэвхтэй оролцсон Сүхбаатарчууд та бүхэнд баярлалаа. Хоосон ярьсан, лоозогносон уулзалт биш байгаасай гэж хүсэж байгаа. Та бүхний ярьсан чухал санал, санаачилга цаасан дээр бууна. Улс, эх орныхоо хөгжлийн төлөө надтай хамтран ажиллахыг уриалж байна” гэлээ.

President.mn

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • dgf 2018-01-28 01:57:20
    Өөрийнхөө хүүхдүүдийг хүмүүжүүлж чадаагүй хүн яаж сайн Ерөнхийлөгч болох вэ?
  • dgf 2018-01-27 16:37:28
    энэ захын хэрүүлч авгай шиг юм бас юу хийгээд явж байгаа юм. Хийсэн нэг ч олигтой ажил байхгүй гацаахаас өөр чадах юмгүй
  • ЗОЧИН 2018-01-27 12:41:07
    ядуурал, ажилгүйдэл ярьж, шударга ёсыг 28 жил үгүйлж байна. үүнийг гудамжны нохой ч мэднэ шүү дээ, ноён ерөнхийлөгч өө . МАН монгол улсыг хямралын ирмэгээс холд...
  • Zochin 2018-01-27 11:09:45
    Eronhiilogch songuuliin ajlaa odoo boltol duusaagui l bgaamuu. Odoo ugn gol ajildaa ormoorsondoo. Helsen yarisanaa ehelj hiigeed daraa n ene uulzaltaa hiigeech
  • Бат 2018-01-27 10:44:36
    Худлаа хошгируулсан болохоос энэ хүнд тийм эрх байхгүй
  • ankhaa 2018-01-27 07:46:49
    tetgewer bolon tsalingiin zeeliig neg udaadaa teglej ogooch ted oorsdiinhoo toloo zeel hiigeegui shuu dee
  • Д.Дорж 2018-01-27 05:33:45
    Ерөнхийлөгч та 300,0 хүртэлх, мөн 301,0-600,0 хүртэлх бага тэтгэврийг олигтойхон нэмэх, мөн тэтгэврийн зээлийг нэг удаа чөлөөлөх зэрэг асуудлыг шийдвэрлээд өг...