УИХ-ын Тамгын газар гишүүдэд ялгавартай хандсан уу
Намрын чуулганы үеэр УИХ-ын гишүүн С.Жавхлан “Төрийн ордонд хэлэлцүүлэг хийхээр УИХ-ын Тамгын газраас заал хүсэхэд өгөхгүй байна. Тамганы тос дууссан гэдэг зүйл ярьж байна” хэмээн мэдээлж байсан. Тэгвэл  УИХ-ын Тамгын газрын Ерөнхий нарийн бичгийн дарга Ц.Цолмон  энэ талаарх сэтгүүлчийн асуултад дараах хариултыг өгчээ.

Тэрбээр “УИХ-ын мэдэлд Байнгын хороод болон Ажлын хэсэг хуралдах зориулалттай дөрвөн танхим бий. Нэг танхимд нь нууцын зэрэглэлтэй асуудал хэлэлцдэг, тэр чиглэлээр тоноглогдсон байдаг. УИХ-ын Тамгын газар бол УИХ-ын л Тамгын газар, түүнээс биш аль нэг намын бүлгийн Тамгын газар биш. Энэ удаагийн УИХ-д хоёр намын бүлэг, МАХН-аас сонгогдсон нэг гишүүн, бие даагч нэг гишүүн ажиллаж байна. Бид хүн ёсны үүднээс бие дааж сонгогдсон гишүүн С.Жавхлан, МАХН-аас нэр дэвшиж сонгогдсон гишүүн О.Баасанхүү нарын хүсэлтийг аль болох биелүүлчих юмсан, ямар нэг байдлаар буруу сэтгэгдэл төрүүлчихгүй юмсан гэж анхаарч ажилладаг. 

Тамганы тос дуусна гэж юу байхав дээ. Заал танхимд ороход ямар тамга дараад байх юм биш. УИХ-ын мэдлийн дөрвөн танхим Байнгын хороо, Ажлын хэсгийн хуралдаанд зориулагдсан байх ёстой. Гишүүдийн зүгээс улс төрийн үйл ажиллагаа биш хууль тогтоох үйл ажиллагаа явуулаасай л гэж бид хүсдэг. С.Жавхлан гишүүн Тамгын газарт хандаж танхим гаргаж өгөх хүсэлт тавьсан. Тухайн үед дөрвөн танхимд Байнгын хорооны хуралдаан болон хэлэлцүүлэг давхацсан учраас заал гаргаж өгөх боломж байгаагүй. Түүнээс биш гишүүдээ энэ тэр намынх, бие даагч гэх зэргээр ялгавартай ханддаг юм байхгүй, тийм зүйл ч байх ёсгүй” гэлээ. 
П.ГОО
Оллоо.мн 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Иргэн 2018-02-13 13:44:15
    Өнчин хүн өөнтөгч гэж үгтэй. Боломжгүй үеэр нь хүсээд, болохгүй гэхээр урвайгаад байх монгол эр хүний зан биш.
  • Бат 2018-02-13 10:41:20
    Ард түмэн минь үндсэн хуулиндаа параламентаа 2 танхимтай болгож төрийн ажилд хяналт тавихгүй бол бидний төрийг, мөнгийг өөр хүн хайрладаггүй юм
  • ZOCHIN  2018-02-13 10:09:57
    MEDEEJ JAVHLANG BOL BOOJ HAAJ L BAIGAA. HEN ALI NAM N ENE DALDGARIIG TAVISAN TEDENDEE UILCHLEDEG N NUUTC BISH BIZDEE. OILGOMJTOI