Дотоодын ажлын байрыг хамгийн ихээр нэмэгдүүлсэн хөрөнгө оруулагчаар ИМАРТ шалгарлаа

МҮХАҮТ-аас хоёр жилд нэг удаа зохион байгуулдаг “Silk road” буюу “Торгоны зам” шагнал гардуулах ёслол өчигдөр/02.13/ МҮХАҮТ-ын Их танхимд боллоо.

Монгол орны эдийн засаг, нийгмийн хөгжил дэвшилд үнэтэй хувь нэмэр оруулж байгаа хөрөнгө оруулагчид болон гадаадын иргэдийг онцлон шалгаруулах, тэднийг урамшуулан дэмжих, нийтэд таниулах зорилгоор энэхүү арга хэмжээг МҮХАҮТ 2007 оноос уламжлал болгон  зохиож байгаа юм.

Скай Хайпермаркет ХХК буюу Имарт “Торгоны зам-2018” шагналыг ДОТООДЫН АЖЛЫН БАЙРЫГ ХАМГИЙН ИХЭЭР НЭМЭГДҮҮЛСЭН ХӨРӨНГӨ ОРУУЛАГЧААР шалгарсан байна.

Имарт үйл ажиллагаагаа эхлүүлснээс хойш одоогоор 820 ажлын байрыг болгосон байна. Үндсэн ажлын байрнаас гадна түрээс шимтгэлийн тасгууддаа 300 орчим шинэ ажлын байр бий болгожээ. Имартын Хороолол салбар 2017 оны есдүгээр сард нээгдсэн бөгөөд 400 орчим шинэ ажлын байрыг бий болгосон байна.

Мөн ажлын байрыг ихээр нэмэгдүүлснээр НДШ-д хоёр тэрбум төгрөг, цалин хөлс түүнтэй адилтгах орлогын татварт 800 орчим сая төгрөг төлжээ.

МҮХАҮТ-аас Имарт зөвхөн өөрийн дэлгүүрт ажлын байр бий болгохоос гадна тэдэнтэй хамтран ажилладаг ЖДҮ, фермерүүдэд шинэ ажлын байр бий болоход чухал үүрэг гүйцэтгэснийг нь онцлон үзэж тус шагналыг олгосон байна.

Бусдад түгээх
  • gplus