УИХ-ын хоёр гишүүн, Монголбанкны нэг албан тушаалтан оффшор дансаа мэдүүлжээ
Авлигатай тэмцэх газраас мэдээлэл хийлээ.

Энэ үеэр АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт өөрчлөлт оруулах тухай хуулийг өнгөрсөн оны дөрөвдүгээр сард өөрчлөлт орсон. Үүнтэй холбоотойгоор төрийн байгууллага, албан тушаалтнууд оффшор бүсэд бүртгэлтэй данс, компани ААН эзэмшдэг бол энэ тухайгаа мэдэгдэж, мэдүүлэх үүргийг хүлээсэн. Мэдүүлэх гэдэг нь өөрөө болон өөрийн хамаарал бүхий эдгээд хуульд заасан арга хэмжээг авах буюу оффшор дансаа хаах, компани ААН үл хөдлөх хөрөнгөө зарж борлуулах арга хэмжээг авч түүнийгээ мэдүүлэх үүрэг хүлээж байгаа. Мэдэгдэх гэдэг нь тухай оронд ажиллаж, эмчлүүлж, сурч байгаа иргэд тухайн бүсэд данс эзэмшиж байгаагаатай холбоотой асуудал юм. Оффшор бүсэд данс, компани эзэмшдэг, бүртгэлтэй бол түүнийгээ мэдэгдэж, мэдээлэх хуульд заасан хугацаа ирэх дөрөвдүгээр сарын 6-ны өдөр дуусна. Хууль үйлчилж эхэлснээс хойш Засгийн газар 2 удаа тогтоол гаргасан талаар өмнө нь мэдээлсэн. Үүнтэй холбоотойгоор хугацаа сунгагдсан. АТГ дур мэдэн хугацаа сунгаж байгаа асуудал байхгүй.

Хуулийн дагуу УИХ-ын 2 гишүүн, Монгол банкны 1 албан тушаалтан өөрсдийн хамаарал бүхий этгээдийн эзэмшиж байсан оффшор бүсэд бүртгэлтэй компанийн хувьцааг 2015, 2017 онд бусдад зарж, борлуулсан тухай мэдүүлсэн.

УИХ-ын 1 гишүүний Сингапурт суралцдаг хамаарал бүхий этгээд, Швейцарийн холбооны улсад суугаа ЭСЯ, НҮБ-ын Женев дэх төв болон олон улсын бусад байгууллагын дэргэд суугаа Байнгын төлөөлөгчийн газар, БНХАУ-ын Засаг захиргааны онцгой бүс Хонконгт суугаа ЕКГ, Сингапур дахь ЭСЯ-нд ажиллаж байгаа 11 албан тушаалтан, Гаалийн ерөнхий газар, АТГ-ын тус бүр 1 албан тушаалтны хамаарал бүхий этгээд Хонконг, Ирландад ажиллаж амьдарч байгаа тул банканд данс эзэмшиж байгаа талаар мэдэгдсэн.

Нийт 17 албан тушаалтан хамаарал бүхий этгээдүүдийн оффшор бүсэд бүртгэлтэй данс, аж ахуйн нэгжийн талаар мэдүүлж, мэдэгдсэн байна.

2018 оны дөрөвдүгээр сарын 1-ний өдрөөс АТГ төрийн өндөр албан тушаалтнуудын хөрөнгө орлогын мэдүүлгийн хураангуй хэлбэрийг ил болгоно. ХАСХОМ-ийн программд хийсэн шинэчлэлтийн ажил дуусах шатандаа орж байна. Үүнээс үүдэж 2016 оны мэдээллийг хожуу мэдээлсэн. Цаашдаа газар хэлтсийн дарга нар, ахлах мэргэжилтнүүд, мэргэжилтнүүд гээд ХАСХОМ гаргаж буй бүхий л албан тушаалтны мэдүүлгийн хураангуй хэлбэрийг ил зарлана. Ингэснээр албан тушаалтнуудын хөрөнгө орлогод иргэд хяналт тавих боломж бүрдэнэ" гэлээ.
 
П.ГОО
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin  2018-03-03 06:06:33
    yu gesen ug ve hynii erhend haldaj bgaa yum uu .ter idej uusan humuusee offshorchdoo I'll bolgo tednii homorgond jirhiin bid helmegdeh uu
  • Х.Баттулгын 1,2 тэрбум доллар яав? 2018-03-01 05:29:29
    Энэ мөнгийг илрүүлснийхээ төлөө ИХ гишүүн Гантулгын эсрэг 150 сая төгрөгний хүчингийн захиалгат хэрэг үргэлжилсээр бн. Хуулийн өмнө бүх хүн тэгш байх ёстой
  • Бат 2018-02-27 01:45:46
    Ард түмэн минь үндсэн хуулиндаа параламентаа 2 танхимтай болгож төрийн ажилд хяналт тавихгүй бол бидний төрийг, мөнгийг өөр хүн хайрладаггүй юм
  • Бат 2018-02-27 00:53:45
    Бид хүүхдийн 20000 аа банкинд хадгалуулсан хүүгээс 10% татвар улсад өгч байгаа харина эд нар хэцүүеэ
  • Зочин 2018-02-26 23:26:56
    Нэртэй хүн үү. Худлаа биш бол нэрийг нь хэл, ХӨРӨНГИЙГ НЬ ХУРАА....!!!!
  • zochin 2018-02-26 23:22:59
    huraaj avaachee
  • ир 2018-02-26 11:25:02
    төрд ажиллаад о.........болтлоо баяжив гэж үүн шиг худал юм байхгүй ээ
  • j 2018-02-26 10:20:18
    nogoo hubi hunii nuuts gedeg yum ni yah yum bee ene humuus tord ajillasan ni yunii buruu beee esbel tord ajillasan humuus guilgachin bai gesen ug uu
    • kok 2018-02-26 12:16:36
      Malt cham shig shunaluud tord garaad guilgachin setgelgeegeeree xumsalsaar Mongoliig iim bolgoj bn.Mongol tord ami nas bvx zvilee ogox xvn gardag yum