В.Путин дахин сонгогдох уу

Оросууд ерөнхийлөгчөө сонгоход гурван долоо хоног үлдээд байна.  Одоогийн Ерөнхийлөгч Владимир Путиныг дахин сонгох болов уу.  Тэрээр ОХУ-ын Ерөнхийлөгчөөр дөрөв дэх удаагаа томилогдох уу.  Энэ сонгуульд нэрээ дэвшүүлсэн долоон нэр дэвшигчдэд түүний албан тушаалыг эзлэх боломж байна уу.  ОХУ-д энэ сарын 18-нд болох ерөнхийлөгчийн сонгуулийн талаар эргэлзэж байвал эсвэл асуух асуулт байвал  асуултаа илгээж болно гэж “ВВС” агентлаг  хүмүүсээс хүсчээ. Тэд ирсэн асуултуудаас сонгон  “ВВС”  агентлаг дахь ОХУ-ын албаны сэтгүүлчдийн багт уламжилснаар сонгуультай холбоотой мэдээллийг өгч, уншигчдын асуултанд хариу өгөх болно гэжээ. ОХУ-ын Ерөнхийлөгчийн сонгуулийн талаар “ВВС” агентлагийн бичсэн мэдээллийг хүргэе.

Ерөнхийлөгч В.Путин түүнийг өөрийнхөө зал­гамж­лагч болон ерөнхий сайдаар томилсон Борис Ельциныг албан тушаалаасаа огцорсны дараа 2000 онд ерөнхийлөгчийн  албыг хаших болсон.  Хэдийгээр ОХУ-ын Үндсэн хуулиар тус улсын ерөнхийлөгчөөр дараалан сонгогдохыг зөвшөөрдөггүй ч тэрээр хоёр удаа улиран сонгогдсоноор 2008 он хүртэл уг албыг хашсан. Гэвч хууль тог­тоомжид нэг хүн ерөнхийлөгчөөр сонгог­дох дээд талын хугацааг  зааж тогтоогоогүй  байдаг аж. Иймээс түүний баруун гар Дмитрий Медведев 2008-2012 онд  ОХУ-ын Ерөнхийлөгчөөр сонгогдсон. Түүний Засгийн газар ерөнхий­лөг­чөөр сонгогдох хуга­цааг зургаан жил болгон өөрчилснөөр Владимир Путин дахин ерөнхийлөгч болохдоо  шинэ хугацааны дагуу сонгогдон ажилласан юм. Харин одоо түүнтэй өрсөлдөж байгаа нэр дэвшигчид  В. Путиныг АНУ-ын ерөнхийлөгчийн сонгуулийн комиссын  ажилд оролцсон, Венесуэлийн эдийн засгийн хүндрэл болон Сирийн дайны хямралд чухал үүрэг гүйцэтгэсэн хэмээн буруутгаж байгаа юм.  “EFE” агентлагаас хийсэн  судалгаагаар ОХУ-ын Ерөнхийлөгч Владимир Путин 71.4 хувийн санал авсан байна. Түүнтэй өрсөлдөгчдийн аль нэг нь сонгуулийн хоёрдугаар шатанд түүний хүчтэй өрсөлдөгч болж чадах болов уу?

Тухайлбал, түүнтэй өр­сөл­дөгчдийн дотор ОХУ-ын Парис Хилтон гэж нэрлэгддэг телевизийн хөтлөгч Ксения Собчак байна. Тэрээр цорын ганц эмэгтэй нэр дэвшигч.  Сонгуулийн урьдчилсан санал хураалтаар В.Путинтэй өрсөлдөж чадах улстөрч гэж тооцогддог сөрөг хүчний удирдагч Алексей Навальнид саналаа өгөх гэж байсан хүмүүс  Ксения Собчакт саналаа өгөх боломжтой ажээ.  Учир нь сөрөг намын хүчний удирдагч Алексей Навальни ерөнхийлөгчийн сонгуульд залилангийн хэргээр шийтгэгдэж байсан учраас өрсөлдөх боломжгүй болсон билээ.


Зууны мэдээ
Х.Оюунболд

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • M 2018-03-01 08:35:52
    August ih putiniig orosiin ARD tumen songono oros hun buriin hairlah udirdagch burhan iveene
  • zochon 2018-03-01 08:31:16
    Tiim ee. Putin dahin songogdoh ni Oros todiigui delkhiid eyereg oorchloltuudiig avchirna gedegt itgeltei bn
  • gaya 2018-03-01 07:35:54
    Гайхамшигтай ш-двэртэй удирдагч шүү,Орос гүрн-г зохицуулаад зогсохгүй дэлхийн халуун цэг-г номхотгож яваа ухаалаг ерөнх-лөгч,бид суралцах ёстой эрхэмээс 72%авна...
  • Зочин 2018-03-01 05:28:14
    Энэ хүн ганц ОХУ биш дэлхийн хүн болж чадсан энэ үед нь ашиглах хэрэгтэй гэж бодож явдагдаа. Оросын сонгогч иргэд манайхыг бодвол сонгууль хийж сурсан байх........
  • Зочин 2018-03-01 04:28:40
    Ельцин огцроогүй.Улсаа удирдаж чадахаа болиод Путинтэй тохиролцоо хийж гаргаж ирсэн.
  • П 2018-03-01 02:18:46
    Путин дахин сонгогдсонгүй гэхэд бидэнд муу болох юм ерөөс байхгүй!