Налайх-Хонхорын замд өнөөдөр зам тээврийн ноцтой осол гарсан талаар Замын цагдаагийн албанаас мэдээллээ.
Тодруулбал, өнөөдөр өглөөний 08 цагийн орчимд Баянзүрх дүүргийн 11 дүгээр хорооны нутаг дэвсгэр Хонхорын замд Subaru impreza маркийн автомашин нь H.Aero city маркийн том оврын автобустай мөргөлдсөн байна. Ослын улмаас суудлын автомашинд зорчиж явсан 20 орчим насны жолооч, зорчигч нарын нийт гурван хүний амь нас хохирчээ.
Иймд Жолооч та замын хөдөлгөөнд оролцохдоо хурдыг тогтоосон хязгаараас хэтрүүлэлгүй зөв сонгон зорчих, мөн гүйцэж түрүүлэх үйлдлийг дараах тохиолдлуудад тохиолдлуудад хийхгүй байхыг замын цагдаагийн албанаас анхааруулж байна. Үүнд:
1. зохицуулдаг уулзвар дээр эсрэг урсгалыг сөрөхөөр бол
2. зохицуулдаггүй уулзвар буюу гарц дээр
3. явган хүний гарц дээр
4. төмөр замын гарам дээр буюу түүнд хүртэл 100 метрээс ойр зайд;
5. гүйцэж түрүүлж байгаа буюу тойрон гарч байгаа, мөн зүүн гар тийш эргэх дохио өгсөн тээврийн хэрэгслийг
6. эсрэг урсгалыг сөрөхөөр бол замын өгсүүр хэсгийн төгсгөл буюу үзэгдэлт хязгаарлагдмал хэсэгт
7. хөдөлгөөнд саад бэрхшээлтэй замд цувааг
8. тээврийн хэрэгсэл ойртон ирж байгаа тохиолдлуудад гүйцэж түрүүлэх үйлдэл хийхийг хориглоно гэж ЗЦА-наас мэдээллээ.