Хичээлийн шинэ жил эхлэхтэй холбогдуулан үүсдэг замын хөдөлгөөний ачааллыг бууруулах үүднээс энэ баасан гарагаас эхлэн автомашины улсын дугаарыг тэгш, сондгойгоор ангилан замын хөдөлгөөнд оролцуулахаар болсон. Энэхүү захирамжтай холбогдуулан Нийслэлийн Засаг даргын тамгын газраас мэдээлэл хийж байна.
Энэ сарын 22-ноос 31-ний хооронд автомашины дугаарын хязгаарлалт үйлчлэх бөгөөд энэ хугацаанд иргэд 500 төгрөгөөр тасалбар худалдан аваад тухайн өдрөө нийтийн тээвэрт хэдэн ч удаа үйлчлүүлэх боломжийг олгож байгаа аж. Ингэхдээ арван өөр өнгийн тасалбарыг борлуулах бөгөөд сонгосон өнгийн тасалбар тухайн өдрөө хүчинтэй байх гэнэ.
Мөн нийтийн тээврийн үйлчилгээний хоорондох хугацааг ойртуулж байгаа юм. Энэ ажилд нийслэлийн нөөц хөрөнгөөс 300 сая төгрөгийг гаргаж байгаа юм байна.
Ами
Оллоо.мн