Ерөнхий сайд Наурызын баярын мэндчилгээ дэвшүүллээ

Наурыз баярыг тохиолдуулан Ерөнхийн сайд У.Хүрэлсүх  казах иргэдэд мэндчилгээ дэвшүүллээ.

Мэндчилгээнд "Өвлийг өнтэй давж, урин хавартай учран золгож буйг билэгшээн өдөр шөнө тэнцсэн тэгш сайхан өдөр улс хотлоороо өргөн дэлгэр тэмдэглэдэг олон зуун жилийн түүхтэй  дорно дахины ард түмний уламжлат  шинэ жил-Наурыз баярын сайхан өдөр тохиож байна.

Энэ өдрийг тохиолдуулан эх орныхоо дөрвөн зүг, найман зовхист аж төрж, суралцаж, нийгмийн бүх салбарт ажиллаж байгаа  нийт казах иргэд Та бүхэндээ  Монгол Улсын Засгийн газар болон хувиасаа чин сэтгэлийн халуун мэндийг хүргэж, түмэн олноороо эрүүл энх,  эгэл хотлоороо амар амгалан,  дүүрэн билэгтэй, түвшин жаргалтай байхын өлзийтэй ерөөлийг өргөн дэвшүүлье.

Наурызын баяраар “Наурызын өдөр дайснаа хүртэл уучил”, “Мууг сайнаар дайл” гэсэн өвөг дээдсийн сургаалыг ёсчлон биелүүлж,  эв эеийг эрхэмлэн, ахас дээдсээ хүндлэн дээдэлдэг сайхан уламжлалтай.

Амьдралын үндсийн үндэс болсон байгаль орчноо хайрлан хамгаалах үйлст томоохон ач холбогдол өгдөг гүн гүзгий утга агуулгатай. Тиймээс  7000 жилийн тэртээгээс уламжлагдан ирсэн, дэлхий дахины дөч гаруй орны  300 сая хүн өргөн хүрээнд, ёс төгөлдөр тэмдэглэж байна.

Тийм ч учраас энэхүү баярыг  НҮБ-ын Соёл, шинжлэх ухаан, боловсролын асуудал хариуцсан байгууллага (ЮНЕСКО) биет бус соёлын үнэт өвд бүртгэж, жил бүрийн гуравдугаар сарын 22-ыг Олон улсын Наурызын баяр болгон тэмдэглэхийг тунхаглан зарласан билээ.

Манай орны төр засаг болон төрийн бус байгууллагууд ч томоохон ач холбогдол өгч, энэ өдрийг Баян-Өлгий аймагт амралтын өдөр болгохыг Хөдөлмөрийн хуулиар зохицуулж, Наурыз баярыг жилээс жилд уламжлал шинэчлэлийг оновчтой хослуулан үр өгөөжтэй тэмдэглэх болсныг баярын энэ өдөр онцлон тэмдэглэхийг хүсч байна.


Улиран өнгөрч буй “Алтан унжлагат” тахиа жил бидэнд үр өгөөжөө өгсөн, бас ухаарал үлдээсэн жил байлаа. Улсын эдийн засаг 5 хувиар өсөж, амьдрал ахуй сайжрах эхлэл тавигдлаа.

Буянт мал сүрэг 66 саяд хүрч, гадаад валютын нөөц 3.2 тэрбум долларт хүрч өслөө. Монгол Улсын экспорт, гадаадын шууд хөрөнгө оруулалт, төсвийн орлого  өмнөх жилүүдээс  эрс нэмэгдэж, олон улсын хөрөнгө оруулагчдын итгэл нь сэргэж эхэлсэн нь та бидний хичээл зүтгэлийн үр дүн юм.

Айлчлан ирж буй нохой жилд энэхүү ололтоо бататгаж, улам ихийг бүтээж,  улс орны эрчим хүчний хэрэгцээг бүрэн хангах, газрын тосыг дотооддоо боловсруулах үйлдвэрийн ажлыг эхлүүлж, агаар орчны бохирдлыг бууруулах,  тэтгэвэр тэтгэмжийг өсгөх, ажлын байр нэмэгдүүлэх зэрэг дэд бүтэц, бүтээн байгуулалтын томоохон ажлуудыг хийж хэрэгжүүлэх болно.

Үүнд ажилч хичээнгүй, хөдөлмөрч казах түмэн Та бүхэн багагүй хувь нэмэр оруулна гэдэгт итгэлтэй байна.

Эртний уламжлал, удам судраа түшин, буурал дээдсийн үеэс өнөөг хүртэл зузаан түүхийг бүтээж яваа ажилч хичээнгүй, авьяаслаг, хөдөлмөрч  казах түмэн,  эх орон төрөлх аймаг, орон нутгаа  хөгжүүлэхийн төлөө, ихийг бүтээх хүсэл эрмэлзэл дүүрэн  байдгийг Наурыз баярын энэхүү билэгт сайн өдөр тэмдэглэн хэлэхэд  таатай байна.

Цаашид Засгийн газар, МАН казах иргэдийн талаарх бодлогыг анхаарлынхаа төвд байлгаж ажиллах болно.

Уламжлалт Наурыз баяраа тэмдэглэж буй нийт казах иргэддээ шинэ ондоо элгээрээ энх амгалан, төрлөөрөө түвшин амгалан, Ахтаан найрагчийн Агига бүргэд шиг эр зоригтой, домборын аялгуу шиг цог золбоотой, домогт Толбо нуур шигээ арвин тансаг дастархантай, идээ цагаа элбэг дэлбэг байж, амьдрал ахуй тань дэвжин дээшлэхийн ерөөл дэвшүүлье.

Та бүхний ажил, амьдрал ямагт өөдрөг байж, санасан бүхэн чинь сэтгэлчлэн бүтэж, буян заяа тань зүйл бүрээр  дэлгэрэх болтугай" гэжээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2018-03-22 09:27:04
    Эдний зочны ширээ гайхамшигтай гэсэн дээр зураг дээр нэлэнхийдээ шар өнгийн идээ ундаа голлож байгаад нэг мэдэхэд бүр өөр олон хоол өрдөг гэсэн харсан хүн бну
    203.91.119.102
    Мэдэгдсэн Хариулах
  • ard 2018-03-22 09:02:12
    Ajlaa harin ch zunduu hiij baigaa shuu. Uchnuun asuudal shiidlee. Odoo tom tom ajluud ni 3-6 jiliin daraa duusahaar mash tom buteen baiguulaltuud baina
    49.0.149.72
    Мэдэгдсэн Хариулах
  • ард 2018-03-22 08:56:52
    баяраас нь хуваалцаж баяр хүргэх хэрэгтэй казак түмэн ч гэсэн хүн шүү дэ баярын мэнд хүргэе
    49.0.149.72
    Мэдэгдсэн Хариулах
  • Зочин  2018-03-22 08:49:09
    Хйицгүй хэдэн гаруудыг бодвол хөдлөөд байна, юм хийгээд байна шүү. Казах түмэндээ баярын мэнд хүргье
    138.197.174.155
    Мэдэгдсэн Хариулах
  • Зочин 2018-03-22 08:42:22
    Ард иргэдтэйгээ ойр байх нь зөв. Баярын мэндийг хүргэхийн ялдамд сайддаа цаашдын ажилд нь амжилт хүсэн ерөөе
    139.59.84.2
    Мэдэгдсэн Хариулах
  • Sana Ser 2018-03-22 08:31:40
    Eh oron buteen baiguulaltiin TOM TOM tosluudee hurdan shuurhai hodolgomoor baih yum daa tegej baij l ene saihan zaluuchuudiig gadagsh ni booliin hodolmor hiilge...
    49.0.147.29
    Мэдэгдсэн Хариулах
  • агуыэ 2018-03-22 07:55:26
    сайхан шоуджийнаа, өөр хийх юм их бий шүү
    202.21.100.202
    Мэдэгдсэн Хариулах
    • Зочин  2018-03-22 08:46:41
      битгий хуц
      49.0.149.72
      Мэдэгдсэн Хариулах