Ш.Батхүүг таньдаг хүн үлдэх нь үү

“Эрдэнэт үйлдвэр”-ийг барьцаалсан асуудалд олон хүний нэр дуулдаж байгаа. Явсаар ганц буруутнаар нь “Жаст” группийн захирал асан Ш.Батхүү тунаж үлдэж байх шиг байна.

Харин хамт нэр нь яригдаж байсан эрхмүүд Ш.Батхүүг огт танихгүй гэх нь холгүй үгсийг унагах болов. Ш.Батхүү одоогоос таван жилийн өмнө Ерөнхий сайд асан С.Баярын талаар хэвлэлд “…Би С.Баяр даргатай найз уу, найз. Манай байрны л ах” гэж ярьж байсан юм. Харин С.Баяр өчигдөр /2018.3.19./ www.itoim.mn сайтад өгсөн ярилцлагадаа “…Хэрэгт орсных нь дараа хүн муулаад унавал дэндүү хуншгүй юм болно. Тэр хүн сайн муу, хэрэгт орсон, ороогүйгээс үл хамааран бодит үнэнийг л ярих ёстой.  Найз мөн үү, биш үү гэдэг ч энд хамаагүй. Бага залуугаасаа үерхсэн миний хэдэн найз бий. Тэдний дунд бол Батхүү байхгүй. Нэгд, насны ялгаа байна. Хоёрт, хожим хойно танилцсан. Гуравт, анд найз гэдэг бол ажил албанаас алс, огт өөр эрэмбийн асуудал” гэж байв.

Тухайн үед ТӨХ-ны дарга байсан, өдгөө Үндсэн хуулийн цэцийн гишүүн Д.Сугарын талаар Ш.Батхүү  мөн л таван жилийн өмнө “…Хамгийн анхны 20 сая ам.долларын зээл авахад бол үнэхээр манайд “Эрдэнэт” үйлдвэр баталгаа гаргаж өгсөн. Баталгааг зүгээр нэг нөхөрт гаргаад өгчихгүй шүү дээ. Энэ хүн цаанаа хөрөнгөтэй, бизнестэй, орлоготой гэж л гаргаж өгч байгаа шүү дээ. Тэгээд дээр нь Оросын тал, Монголын талынх нь аль алины зөвшөөрөл байгаа. Ер нь бол дараа дараагийн зээлүүдийг бид өөрсдөө, би хувийнхаа баталгааг тавьж байгаад авсан. Энэ дээр “Стандарт” банкныхан барууныхан болсон хойно зүгээр л амьдралд байхгүй юм шаардаад байсан. Бүх юмыг чинь барьцаалчихлаа. Дээр нь “Эрдэнэт”-ийн баталгаа авчирч өгөө гээд. Тэрийг нь янзлаад өгчихсөн тал бий” гэж байлаа. Д.Сугар 2018 оны хоёрдугаар сарын 21-нд Өдрийн сонинд “…Тэр хүнийг таних танихгүйн асуудал тийм чухал юм уу. Нүгэл буяны талаар жаахан ч гэсэн юм ойлгодог бол хичнээн хүн чирэгдүүлж байгаагаа, улс орноо яаж хохироож байгаагаа тэр хүн бодмоор л юм. Уул нь өөрөө анхнаасаа л хуурамчаар үйлдсэнээ хүлээн зөвшөөрсөн юм. Өөрийнх нь гарын үсэгтэй тодорхойлолт энэ байна. (Батхүүгийн гарын үсэг бүхий бичгийг үзүүлэв) Энэ бичигнээс зарим асуултын тань хариулт харагдаж байгаа биз дээ” гэж Ш.Батхүүг хэлсэн.

Түүнчлэн Ш.Батхүү “Алтжин” группийн захирал Г.Алтангийн тухайд “…Г.Алтан захирлын хувьд эрсдэлтэй алхам хийж, энэ төсөл рүү орчихоод байгаа нь үнэн. …Г.Алтан захирлын энэ ажлыг манай банкууд ойлгож, хамтарч ажиллаж чадвал бас бүтэхгүй юм биш. …Хүмүүс итгэхгүй, Ш.Батхүү Г.Алтангийнхаа юмыг зугатаалгаж өөрийнхөө нэр дээр болголоо гээд л янз бүрийн юм ярьж байсан. Хүмүүс өөр өөрийнхөө хэмжээгээр л сэтгэж байгаа нь тэр. Асуудлыг яагаад тэгж ярьж байгааг нь би ойлгож байна. Миний хувьд нэгдүгээрт, би харамч хүн биш. Хоёрдугаарт, өмнө тусалж байсан хүмүүст өгөөмөр байж чадна гэдгээ мэднэ” гэж байв. Харин Г.Алтан өчигдөр “Өдрийн сонин”-д “…Би энэ талаар юу ч мэдэхгүй. Энэ сүлжээнд ямар ч хамаагүй. “Жаст” группт би хэзээ ч хувь эзэмшиж байгаагүй! Тэр компани хэнээс ямар зээл авч байсан, ямар бизнес үйл ажиллагаа явуулж байсныг би сонирхдоггүй байсан.Батхүү Алтан нарын хууль бус үйлдэл гэж юуг хэлээд байгаа юм бол оо?” гэж ярьжээ.

Энэ мэтчилэнгээр бүгд л Ш.Батхүүгээс ямар нэг байдлаар “зай”-гаа аваад эхэлж байгаа нь анзаарагдаж байгаа юм. Эцэстээ Ш.Батхүүг таньдаг хүн үлдэх эсэх нь ч эргэлзээтэй болж байна гэсэн үг.

Зууны мэдээ
Б.ДАМДИН

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Баяр 2018-04-09 05:42:32
    Батхүү үлгэр ярихаа зогсоож золигт гарахаасаа өмнө үнэнээ өчвөл амьд үлдэнэдээ...бүгд л би үхэхээр чи үх гэж бнштэ
    66.181.161.84
    Мэдэгдсэн Хариулах
  • Зочин 2018-03-23 08:29:17
    Батхүү шоронд ороод 2 удаа бандидуулсан. Одоо шоронд оронгуут нь зүйл дуусгах юм байна лдаа. Мөнггийг жаргалаас гадна үхэл хагацал зовлон дагаж байдаг гэж үнэн...
    66.181.184.80
    Мэдэгдсэн Хариулах
  • Иргэн 2018-03-23 04:50:31
    Товчхондоо; энэ асуудлыг бүгд мэдэж байгаа. Одоо төр, хуулийн байгууллага Оросод Путин яаж ажилласнбг сагаад хий. Баттулга ерөнхийлөгч анхаар. Танд хамаатай.
    5.136.235.25
    Мэдэгдсэн Хариулах
  • ,,,,, 2018-03-23 04:20:57
    Том бүлэглэл хэрэгт холбогдоход хэн нэг ганцаар үүрч шоронд ордог, эрх мэдэлт хамсаатнууд нь шоронд халамжилдаг, гаргаж авдаг! Мөнгө нь үлдээд хэрэг нь дуусаа!
    103.26.194.106
    Мэдэгдсэн Хариулах
  • Бат 2018-03-23 03:44:24
    Ард түмэн минь үндсэн хуулиндаа параламентаа 2 танхимтай болгож төрийн ажилд хяналт тавихгүй бол бидний төрийг, мөнгийг өөр хүн хайрладаггүй юм
    202.9.43.190
    Мэдэгдсэн Хариулах
  • иргэн 2018-03-23 03:13:59
    энэ мянганбаяр хуухэн сольж хуухэд енчруулэхээс гадна бусад их гай болдог нехер юм даа оюут овоог туунээс авснаас болж л батхуу шатсан юм шиг бна
    202.9.43.225
    Мэдэгдсэн Хариулах
  • одоо цаг  2018-03-23 03:06:14
    одоо тэгэхээр батхүү бүх ялыг үүрэх л үлдэж дээ эсвэл бүгдээрээ хөтлөлцөөд дээлээ нөмрөх
    202.72.245.122
    Мэдэгдсэн Хариулах