Цахим орчин дахь хүүхдийн эсрэг бэлгийн хүчирхийлэл, мөлжлөгөөс сэргийлнэ

Монгол Улсын нийт хүн амын 37,6 хувийг 0-18 хүртэлх насны хүүхэд эзэлж, насны бүлгээр авч үзвэл  0-4 насны 394514, 5-9 насны 322575, 10-14 насны 220429, 15-18 насны 189661 хүүхэд байна. Нийт хүүхдийн 20 орчим хувьд хүүхэд хамгааллын үйлчилгээ үзүүлэх шаардлагатай.

Манай улсын нийт хүн амын 80.6 хувь нь интернэт хэрэглэгч, 99.7 хувь нь гар утас хэрэглэгчид байна. Монгол Улсын олонх сумд өргөн зурвасын интернэт болон улс орон даяар 3G/4G гар утасны сүлжээнд холбогдсоноор мэдээлэл харилцааны суурь бүтэц нь тоон хэлбэрт бүрэн шилжээд байна. Интернэт нь өнөөдрийн Монгол Улсын хот, хөдөөгийн бүс нутагт хамгийн их хэрэглэгддэг мэдээлэл харилцааны хэрэгсэл болсон байна.

Монгол Улс нь Хүүхдийн эрхийн тухай конвенц (1989), энэхүү конвенцийн Хүүхдийг худалдах, хүүхдийн биеийг үнэлэх, хүүхдийг садар самуунд сурталчлахын эсрэг Нэмэлт протокол (2000), Мэдээлэл хүргүүлэх журмын тухай Нэмэлт протокол, Олон улсын хөдөлмөрийн байгууллагын Хүүхдийн хөдөлмөрийн тэвчишгүй хэлбэрийг устгах тухай конвенц (182), Хүнийг, түүний дотор хүүхэд, эмэгтэйчүүдийг худалдаалахаас урьдчилан сэргийлэх, зохих хариуцлага хүлээлгэх, мөн Үндэстэн дамнасан зохион байгуулалттай гэмт хэрэгтэй тэмцэх конвенц зэрэг хэд хэдэн олон улсын гэрээ, конвенцид нэгдэн орсон.  Улмаар Монгол Улсын Засгийн газар нь WeProtect  санаачлагын мэдэгдэлд нэгдэн орохоор амлалтаа илэрхийлээд байгаа билээ.
 


Интернэт хэрэглээ өсөн нэмэгдэхийн хэрээр цахим орчинд хүүхдийн эрхийн зөрчлүүд ихээхэн тохиолдож байна. Цахим орчны аюулын талаарх бүрэн зургийг хараахан тодорхойлоогүй хэдий ч Хүүхдийн тусламжийн 108 утасны үйлчилгээний төв болон Цагдаагийн байгууллагаас мэдээлж буйгаар хүүхдүүд мэдээлэл, харилцаа холбооны технологийг ашиглах үедээ зохисгүй  контентод нэвтрэх, сэтгэцийн болон бэлгийн шинжтэй дарамт, хүчирхийлэл, мөлжлөгийн хохирогч болох эрсдэлтэй нүүр тулж байна.

Засгийн газрын тохируулагч агентлаг Харилцаа холбоо, мэдээллийн технологийн газар, Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар, Харилцаа холбооны зохицуулах хорооноос Хүүхдийн эрхийн тухай хууль, Хүүхэд хамгааллын тухай хууль, Гэмт хэргээс урьдчилан сэргийлэх тухай хууль, Хүүхдийн хөгжил, хамгааллын үндэсний хөтөлбөрийн хэрэгжилтийг хангаж, хүүхэд, өсвөр үеийнхнийг цахим орчны гэмт хэрэг, хүүхдийн эсрэг бэлгийн хүчирхийлэл, мөлжлөгөөс урьдчилан сэргийлэх, мэдээллийн технологийн зохистой хэрэглээг бий болгох чиглэлээр төлөвлөгөө боловсруулж, 3 талын хамтарсан тушаалаар баталлаа.

“Мэдээллийн  технологийн зохистой хэрэглээг бий болгох, цахим орчин дахь хүүхдийн эсрэг бэлгийн хүчирхийлэл,  мөлжлөгөөс  урьдчилан сэргийлэх” төлөвлөгөөг  хэрэгжүүлэхэд Хууль зүй, дотоод хэргийн яам, Боловсрол, соёл, шинжлэх ухааны яам, Монгол улсад Гэмт хэргээс урьдчилан сэргийлэх ажлыг зохицуулах зөвлөл, Цагдаагийн ерөнхий газар, НҮБ-ын Хүүхдийн сан, Монголын сурагчдын холбоо хамтран ажиллана. 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Bat 2018-03-25 13:22:38
    Amjilt hvsie vneheer chuhal shvv
    66.181.161.99
    Мэдэгдсэн Хариулах