“Бөхийн өргөө”, “Мишээл экспо”, “Нийслэлийн соёл урлагийн газар”, “Crocus event hall”, “One event hall”, “Corporate convention center” зэрэг зориулалтын бус газар урлагийн тоглолт зохион байгуулахгүй байх талаар албан бичгийг НМХГ-аас хүргүүлсэн. Энэ талаар Нийслэлийн мэргэжлийн хяналтын газрын дарга Л.Эрдэнэчулуунаас тодрууллаа.
-Дээрх газруудад тоглолт зохион байгуулахгүй байх талаар албан бичиг хүргүүлж байгаа үндэслэлээ тайлбарлаач?
-Өнгөрсөн гуравдугаар сарын 8-нд НМХГ-ын шуурхай дуудлагын утсанд “Мишээл экспо” төвийн тааз нурж хүн бэртлээ гэсэн дуудлага ирсэн. Дуудлагын дагуу манай газрын гурван байцаагч газар дээр нь очиж ажилласан. Тодруулбал, “Хурд” хамтлагийнхны тоглолтын үеэр дуу чимээний доргилтоос үүсэж гипсэн тааз нурж гурван хүн гэмтэж эмнэлэгт хүргэгдсэн байсан. Үүнтэй холбогдуулан манайхаас хяналт шалгалтыг хийж, мэдэгдэл хүргүүлсэн. Зориулалтын бус байранд урлагийн тоглолт зохион байгуулна гэдэг хууль зөрчсөн асуудал. Тайз, дэлгэц, гэрэлтүүлэг, дуу чимээний стандарт гэж байх ёстой. Гэтэл тийм зүйл байхгүй.
-Монгол бөхийн өргөөнд бас урлагийн тоглолт зохион байгуулахыг хориглоно гэсэн үү?
-Тийм. Энэ газар ч стандартын бус байгаа. Ямарч зориулалтын бус. Бөхийн өргөө анх баригдахдаа зориулалт нь бөх барилдах зориулалтаар баригдсан. Гэвч урлагийн тоглолт хийлгээд байдаг. Уг нь бол ДБЭТ, УДЭТ гээд мэргэжлийн театруудад тоглолтоо хийх ёстой.
-Хяналт шалгалтаар илэрсэн зөрчлүүд нь юу байв?
-Цахилгаан болон техник тоног төхөөрөмж нь аюулгүй байдлаа хангаагүй. Болзошгүй эрсдлээс урьдчилан сэргийлэх дотоод хяналтаа хийгээгүй. Зураг төслийн дагуу барьсан боловч өргөтгөл барьж өөр тоног төхөөрөмжүүд суурилуулсан байсан. Мөн дуу шингээгч зориулалтын акустик хана байхгүй. Нэг удаагийн гэрэлтүүлэг нь тухайн заалыг гэрэлтүүлэх хэмжээнээс хэд дахин их гэрэл гаргадаг байсан. Энэ нь тоглолт үзэж буй хүмүүсийн эрүүл мэндэд сөргөөр нөлөөлдөг.
-Өмнө Бөхийн өргөөнд мэдэгдэл хүргүүлж байсан уу?
-Үгүй. Одоо хяналт шалгалт хийж албан бичиг хүргүүлээд байна.
-Дээрх газрууд торгуулын арга хэмжээ авахуулаад зөрчлөө арилгахгүй бол цаашид ямар арга хэмжээ авах вэ?
-Хэрвээ дээрх мэдэгдлийг хүлээж авчихаад хууль зөрчөөд байх юм бол бид нар дараагийн арга хэмжээгээ авна. Торгуулийн арга хэмжээ авахуулчихаад зөрчлөө дахин гаргаад байвал хууль шүүхийн байгууллагад хандана. Монголд хууль дүрэм хэрэгждэг л байх ёстой.
О.Онон
olloo.mn
-Дээрх газруудад тоглолт зохион байгуулахгүй байх талаар албан бичиг хүргүүлж байгаа үндэслэлээ тайлбарлаач?
-Өнгөрсөн гуравдугаар сарын 8-нд НМХГ-ын шуурхай дуудлагын утсанд “Мишээл экспо” төвийн тааз нурж хүн бэртлээ гэсэн дуудлага ирсэн. Дуудлагын дагуу манай газрын гурван байцаагч газар дээр нь очиж ажилласан. Тодруулбал, “Хурд” хамтлагийнхны тоглолтын үеэр дуу чимээний доргилтоос үүсэж гипсэн тааз нурж гурван хүн гэмтэж эмнэлэгт хүргэгдсэн байсан. Үүнтэй холбогдуулан манайхаас хяналт шалгалтыг хийж, мэдэгдэл хүргүүлсэн. Зориулалтын бус байранд урлагийн тоглолт зохион байгуулна гэдэг хууль зөрчсөн асуудал. Тайз, дэлгэц, гэрэлтүүлэг, дуу чимээний стандарт гэж байх ёстой. Гэтэл тийм зүйл байхгүй.
-Монгол бөхийн өргөөнд бас урлагийн тоглолт зохион байгуулахыг хориглоно гэсэн үү?
-Тийм. Энэ газар ч стандартын бус байгаа. Ямарч зориулалтын бус. Бөхийн өргөө анх баригдахдаа зориулалт нь бөх барилдах зориулалтаар баригдсан. Гэвч урлагийн тоглолт хийлгээд байдаг. Уг нь бол ДБЭТ, УДЭТ гээд мэргэжлийн театруудад тоглолтоо хийх ёстой.
-Хяналт шалгалтаар илэрсэн зөрчлүүд нь юу байв?
-Цахилгаан болон техник тоног төхөөрөмж нь аюулгүй байдлаа хангаагүй. Болзошгүй эрсдлээс урьдчилан сэргийлэх дотоод хяналтаа хийгээгүй. Зураг төслийн дагуу барьсан боловч өргөтгөл барьж өөр тоног төхөөрөмжүүд суурилуулсан байсан. Мөн дуу шингээгч зориулалтын акустик хана байхгүй. Нэг удаагийн гэрэлтүүлэг нь тухайн заалыг гэрэлтүүлэх хэмжээнээс хэд дахин их гэрэл гаргадаг байсан. Энэ нь тоглолт үзэж буй хүмүүсийн эрүүл мэндэд сөргөөр нөлөөлдөг.
-Өмнө Бөхийн өргөөнд мэдэгдэл хүргүүлж байсан уу?
-Үгүй. Одоо хяналт шалгалт хийж албан бичиг хүргүүлээд байна.
-Дээрх газрууд торгуулын арга хэмжээ авахуулаад зөрчлөө арилгахгүй бол цаашид ямар арга хэмжээ авах вэ?
-Хэрвээ дээрх мэдэгдлийг хүлээж авчихаад хууль зөрчөөд байх юм бол бид нар дараагийн арга хэмжээгээ авна. Торгуулийн арга хэмжээ авахуулчихаад зөрчлөө дахин гаргаад байвал хууль шүүхийн байгууллагад хандана. Монголд хууль дүрэм хэрэгждэг л байх ёстой.
О.Онон
olloo.mn