Ардчилсан намын бүлэг Төрийн ордонд дөнгөж сая мэдээлэл хийлээ. АН-ын Бүлгийн дарга Д.Эрдэнэбат, УИХ-ын гишүүн З.Нарантуяа нар энэ хаврын чуулганаар хэлэлцэх гол асуудлууд болон одоо өрнөж байгаа баривчилгааны талаар мэдээлэл өглөө.
Намынх нь гишүүдийг саатуулсан асуудалд Бүлгийн дарга Д.Эрдэнэбат “Оюутолгойтой холбоотой асуудлаар АН-ын угшилтай гурван хүнийг баривчиллаа. Бид энэ асуудал дээр анхааралтай хандана. Оюутолгойн хөрөнгө оруулалтын гэрээг 2009 онд УИХ-ын 57 дугаар тогтоолоор гэрээ хийх эрхийг тухайн үеийн Засгийн газрын тэргүүн С.Баярт өгсөн тогтоол байна. Энэ гэрээг УИХ батлаагүй, С.Баярын Засгийн газар баталсан юм шүү. Энэ үед Ажлын хэсгийг тухайн үеийн Эрдэс баялгийн сайд Д.Зоригт ахалж байсан юм. Гэвч гол гэсэн хүмүүсийг шалгаж байцаахгүйгээр манай намын гурван хүнийг баривчилж байгаа нь энэ бүхний ард улс төрийн захиалга байна гэж хардаж болгоомжилж байна. Шалгах юм бол бүгдийг нь шалгах ёстой. АН гишүүдээ өмгөөлж хамгаална. Асуудалд тэнцвэргүй улс төрийн өнцгөөр хандаад байна. Тэднийг үнэн зөвөөр шалгаасай. Яагаад хамгийн түрүүнд АН-ыг барьдаг юм бэ. Энэ бүхний цаана Ардын нам харагдаад байгаа шүү. Улс төрийн хэлмэгдүүлэлт явагдах вий дээ.
Тиймээс Оюутолгойн гэрээтэй асуудлыг үнэн зөвөөр гаргаасай. Хүн яллахдаа чухал бишээ. Нэг хүнийг, эсвэл нийтээр нь яллахгүй байгаасай” гэлээ.
О.Онон
olloo.mn
Нэвтрэх