БНХАУ-ын даргын айлчлал үргэлжилж байна
Монгол Улсын Ерөнхийлөгч Цахиагийн Элбэгдоржийн урилгаар Монгол Улсад төрийн айлчлал хийхээр хүрэлцэн ирсэн БНХАУ-ын дарга Си Зиньпин, түүний гэргий хатагтай Пөн Ли-Юань нарыг албан ёсоор угтах ёслол Чингисийн талбайд болов.

Монгол Улсын Ерөнхийлөгч Цахиагийн Элбэгдорж, тэргүүн хатагтай Х.Болормаа нар БНХАУ-ын дарга Си Зиньпин, түүний гэргий хатагтай Пөн Ли-Юань нарыг угтан мэндчилж, монгол үндэсний хувцастай хүүхдүүд эрхэм зочдод цэцэг барьж хүндэт харуул жагсав. Эрхэм зочны албан ёсоор угтах ёслолд хоёр талын албаны хүмүүс ороцлоо.

Хоёр орны төрийн дуулал эгшиглэсний дараа Монгол Улсын Ерөнхийлөгч Ц.Элбэгдорж, БНХАУ-ын дарга Си Зиньпин нар хүндэт харуул, угтан авсан хүмүүстэй мэндчилсэн юм. Үүний дараа тэд Төрийн ордонд хүрэлцэн ирж БНХАУ-ын дарга хүндэтгэлийн дэвтэрт гарын үсэг зурав.

Ингээд энэ мөчид хоёр улсын төрийн тэргүүн нарын хэлэлцээр үргэлжилж байгаа бөгөөд удахгүй сэтгүүлчидтэй уулзаж мэдээлэл хийх юм.

Б.Сансартуяа
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.