Уг албан бичигт “...Захиргааны хэргийн шүүх Засгийн газрын шийдвэрийн талаарх маргааныг хянан шийдвэрлэж байгаа буруу практикийг залруулж, хуулийг зөв хэрэглэх талаар албан ёсны тайлбар гаргах буюу холбогдох шийдвэрүүдийг хянан үзэх зэргээр шаардлагатай арга хэмжээ авч, хариу ирүүлэхийг мэдэгдэж байна” гэсэн байна.
Уг асуудлыг өнөөдөр Улсын Дээд шүүхийн нийт шүүгчдийн хуралдаанаар хэлэлцээд Үндсэн хуулийн цэцийн даргаас ирүүлсэн хүсэлтийг хүлээн авахаас татгалзжээ. Мөн нэр бүхий гурван иргэнээс энэ асуудалтай холбоотойгоор Үндсэн хуулийн цэцэд гаргасан өргөдөл, мэдээллийг Үндсэн хуулийн цэцийн дарга Улсын Дээд шүүхэд шилжүүлсэн байна.
Нийт шүүгчдийн хуралдаанаар уг асуудлыг хэлэлцээд эдгээр иргэдээс ирүүлсэн өргөдлийг хэлэлцэн шийдвэрлэх нь Улсын Дээд шүүхийн хуулиар тогтоосон бүрэн эрх, эрхлэн шийдвэрлэх асуудалд харъяалагдахгүй байна гэж үзэж, өргөдлийг буцаахаар шийдвэрлэжээ.
Г.Зул