Балгас болсон барилгыг нураавал яасан юм бэ
Хан-Уул дүүргийн I дүгээр хороонд байрлах 12 давхар балгас болсон барилга байна.
 
Баригдаж эхэлсэн цагаасаа хэл ам дагуулсан тус барилга анх зочид буудлын зориулалтаар баригдсан ч ашиглалтад оролгүй ийнхүү гурван жил болжээ.

Өнгөрсөн долоо хоногт тус барилгыг зорьж очиж эргэн тойрныг нь сонирхлоо. Хаалган дээр нь “Онгойлгохыг хориглоно” гэсэн бичиг наажээ. Цонхнууд нь хагарч бутарсан бөгөөд бүтэн шилтэй цонх гэж алга. Цонхнууд нь салхинд хаагдаж нээгдэх нь жихүүдэс төрмөөр санагдав.  

Тус барилгыг тойроод сургуулийн хэдэн охид хөвгүүн гүйлдээд байх юм. Тэгснээ байшингийн ард газар доогуурх хонгил руу нь орох гээд нэгнээ татаж гулдчин “Чи эхэлж ор, би дараа нь оръя. Шүдэнз асаагаач, харанхуй байна, айж байна” гэхчилэн өөр хоорондоо ярьж, нэг нэгнээ угз татаж байснаа намайг харангуутаа хөвгүүд нь зугтааж охидууд нь үлдэв. Яах гэж ийм харанхуй жижиг нүх рүү орох гээд байгаа талаар тэднээс асуухад “Хөвгүүд энд нэг үл мэдэгдэх амьтан байна гэсэн. Тэрийг нь харах гээд. Бас зургаан давхрын цонх нь хаагдаж онгойгоод хүний толгой цухуйсан гэсэн. Тэрийг нь олж харах гээд сонирхоод хүлээгээд зогсч байна” гэв.

Түүнчлэн ам уралдсан охидууд “Энэ анх зочид буудлын зориулалтаар баригдсан гэсэн. Ард нь хууль зөрчиж барилга байхаар нь орон сууцны иргэд эсэргүүцсээр байгаад нураалгасан гэсэн. Бас цахилгаан шатанд нь хоёр хүн дарагдаж үхсэн болохоор ашиглалтад оруулаагүй” гэж ярцгаав. Нээрээ л яагаад ямар шалтгаанаар өнөөдрийг хүртэл ашиглалтад оруулаагүй, 12 давхар болтлоо сүндэрлүүлсэн хэрнээ одоо балгас болгосон байгаа юм бол.

Хан-Уул дүүргийн нэгдүгээр хорооны нутаг дэвсгэрт зөвшөөрөлгүй баригдсан зочид буудлын зориулалттай 12 давхар барилгын өргөтгөл буюу хоёр давхар С корпус юм.
Уг барилгыг анх зочид буудлын зориулалтаар барьсан боловч дотор засал чимэглэл нь хийгдээгүй, ашиглалтад ороогүй өдийтэй золгов.

Мөн баригдсанаас хойш хажуу талын 14-р байрны 10 гаруй айлын цонхыг халхалж, найман жил нарны гэрэл хараагүй учир оршин суугчид 2009 оноос эхлэн энэ барилгын эзэн компанийн талаар шүүхэд гомдол гаргаж, тэмцсэний эцэст өргөтгөлийн С корпусыг нураах ажлыг “Тод Бум” констракшн Нийслэлийн өмчийн харилцааны газартай гэрээ байгуулан гүйцэтгэсэн юм. Гэхдээ тус компани нь уг барилгын зөвхөн өргөтгөлийг  буулгах гэрээтэй, үндсэн 12 давхар барилгад ямар ч “гар хүрэх ч эрхгүй” байсан гэдэг.

Харин 12 давхар барилга зөвшөөрөлгүй баригдсан уу, тухайн үед нураах шийдвэр холбогдох газруудаас гарч байсан уу гэдэг нь эргэлзээтэй юм. Ямар компанийн захиалгаар ямар компани барилгын ажлыг гүйцэтгэсэн нь ч бүрхэг хэвээрээ байгаа юм.

Нийслэлийн Засаг даргын захирамжаар зөвшөөрөлгүй баригдсан 12 давхар барилгыг нураах шийдвэр гарсан талаар тухайн үед энэ барилга дээр хяналт тавьж байсан улсын байцаагч Ёндонгоос энэ талаар тодруулахад “Тэр 12 давхар барилгыг нураана гэсэн захирамж гараагүй. Иргэд эсэргүүцсэн барилга нь хойд талынх хоёр байрны дунд барьсан хүзүүвчин барилгыг хүлээн зөвшөөрөхгүй байсан юм. Тиймээс захирамж гарч тэр хэсгийг нь буулгаад бараг 4 жил болох гэж байна. Бүгдийг нь биш зөвхөн С блок гэсэн хэсгийг нь нураасан. Харин хойд талын хуучны орон сууцнууд нь хотын дахин төлөвлөлтөд орох учраас байж байгаа” гэв.  


 
Дээрх барилгыг анх 2002 онд Нийслэлийн Засаг дарга байсан одоогийн УИХ-ын дарга М.Энхболд барилгын 490 метр кв газрын зөвшөөрлийг олгож байжээ. Дараа нь 2004 онд уг газрын хэмжээг нэмэгдүүлж нийтдээ 1320 метр квадрат талбайтай газрын зөвшөөрлийг бусдад шилжүүлэн худалдсан байдаг бол 2009 онд тухайн зочид буудлын ар талын орон сууцны оршин суугчдын гомдлын дагуу уг зөвшөөрлийг хүчингүй болгож, 2011 онд Захиргааны хэргийн шүүхээс уг барилгын ар талын хэсгийн С блокийг нураах шийдвэр гаргуулж, нурааж байжээ. 12 давхар барилга нь нураах зөвшөөрөлгүй юм бол ашиглалтад оруулаач, эсвэл энэ балгас болсон барилгыг нураах ч юмуу, Нийслэлийн өмч болгож өгвөл яасан юм бэ.

Нийслэлийн өнгө үзэмжинд ялангуяа зам дагуу баригдсан болохоор балгас болсон ийм барилга муухай харагдаж байна шүү.








О.Сайхан
Оллоо.mn 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Hohi ni 2018-05-19 13:23:47
    Haha uiliin ur. Orshun suugchid ni durak. Odoo yav hardaa? Ergej toirondoo ger orongui, zolbin arhichdiin uurtei bolloo. Zolbintoyo gesen teriige av
  • hogiin suochin Elbegdorj hydalch zylgaic 2018-05-16 15:53:00
    adgiin har hylgaich Elbegdorj ardiin haraal hyrch yheh boloogyi yu?...Muu aluurchin chini haana bna be?ardyyd aa!!!
  • ИРГЭН 2018-05-16 14:40:00
    ЭНЭ БАРИЛГА СУУЛТТАЙ БАС ЦЭВДЭГТЭЙ ДУРААРАА БАРИЛГА БАРИХ БАС ИЙМ ХОХИРОЛТОЙ БИЗ Э
  • Даваа 2018-05-16 11:32:44
    Нөгөө Элбэгдорж 2009 онд eрөнхийлөгч болохдоо бусдын нар үзэх эрхийг хаасан энэ барилгыг нураана гэсэн арын өргөтгөл нураагаад тэгээд таг чиг болсондоо хөөрхий...
    66.181.166.3
    Мэдэгдсэн Хариулах
  • Ямарч өмчгүй новшнууд л 2018-05-16 10:33:23
    Ямарч өмчгүй новшнууд л хурдан нураа гэх юм хувийн өмчийг дээдэлсэн хуулиар хамгаалсан нийгэмд амьдарч байнаа санагдана... Би өмчгүй учир чи ч болохгүй гэх үү
    • Teh 2018-05-19 13:24:59
      Harin tilmee staakuud. Mongol geech zolbin lalariin gazar yum buteej amidarna gedeg bol hamgiin utgagui zuil.
    • Uko 2018-05-17 15:10:18
      Bvx zviliig xuuliin daguu xiij bga zondoo l shudraga xvmvvs bn tednii yumiig nuraa gexgvil bx xarin iimerxvv xudal xuurmag yumnuudiinxiig nuraax n zov shv.
    • Tiim 2018-05-16 15:12:56
      Tiim shuu.adilhan mongol humuus.nuraa l gehiiin, mongolchuud muuhai boljee
  • ... 2018-05-16 09:31:03
    Нурааж байхын оронд улсын орлогод хурааж аваад ядууст хямд үнээр түрээслэдэг байр болго!!! Эсвэл өөр зориулалт олдоно!!!
    • Haha 2018-05-19 13:26:02
      Haha duraaraa gutsnaa bas. Chi mongiig ni tolchiheerei. Yum l bol buyan huraah yum hutsaj yavma
      • Монгол 2018-05-20 11:33:57
        Хэ хэ энэ яг чиний барилга юм байна ккк. Дээр дооргүй орж хэрэлдээд .188-аа! Энэ улсад чинь бас дүрэм журам гэж байдгийн
  • Зочин 2018-05-16 08:29:15
    Нэгэнт баригдчихсан ийм сайхан буулгахдаа тулсан юм бол. Тэгэж хайран хөрөнгө мөнгө үрж байхаар, байранд орох гэсэн улсуудыг оруулчихвал яасийн.
  • irgen 2018-05-16 06:55:28
    oligtoi yum yardgui teneguudeer duuren. yum evdne l gej medne, yadahdaa belen barilga oligtoi nuraaj chaddgui maluud. heruultei amdarj baival taarsan ulsuud
  • hhh 2018-05-16 06:29:15
    balairaagaad bgaachee, nadahiig cin nuraaval hajuu 5davharuud dorgilt uused ersdeltei sh dd, nuguuduul n nurna tegsenees ehnii 8 davhariig tsetserleg bolgod nee...
  •  2018-05-16 05:47:32
    Наадах чинь буулгах шийдвэр нь гарчихсан шүү дээ эзнийг нь олж буулгах зардлыг нь гаргуулж үтэр далд оруул.
  • Монгол 2018-05-16 05:00:51
    Дахиад л М.Энхболд, энэ газрын наймаачин нөхрийг Монголчууд бид их даврууллаа. Одоо шоронд хийж шийтгэх цаг нь болсон.
  • asd 2018-05-16 04:24:42
    Enhboldiin gazriin naimaanii balag duusahgui yum bn l daa
  • 5 ДАВХРЫГ НЬ НУРАА 2018-05-16 02:22:09
    ТЭР АРЫН 5 ДАВХРЫГ НУРААХ НЬ ЦАГ ХУГАЦААНЫ АСУУДАЛ ХАРИН ЭНЭ БАЙРЫГ БОЛ ТОРГУУЛЬ ХЭДЭН САЯАР ТАВИАД АРД НЬ БАЙГАА ХОХИРСОН ИРГЭДИЙГ ХОХИРОЛГҮЙ БОЛГООД АШИГЛУУЛА...
  • Буян Жагаа!!! 2018-05-16 02:08:11
    Циркийн баруун хойно байдаг хуучнаар "Хангай" зочид буудлын олон давхар барилга хэнийх юм бэ? Ёстой л нэг тийш болгууштай эд шүү!!!!!
  • зочин 2018-05-16 02:04:57
    нурааж яахнвэ бидний л мөнгө
  • иргэн 2018-05-16 01:56:57
    эзэнгуй юм бол наранхууд егчих цаадах чинь хятадуудад зарчихаж чадна шуу
  • зочин 2018-05-16 01:38:16
    Энэ сайхан бүтээн байгуулалтыг үргэлжлүүлэх хэрэгтэй, хотод өнгө үзэмж нэмж, ажлын байр бий болно шүү дээ, ингээд байлгаад байж болохгүй