Хөгжмийн зохиолч Б.Шарав Ерөнхийлөгчийг тоглолтдоо урилаа

Монгол Улсын Ерөнхийлөгч Х.Баттулга Чингис хааны одонт, Төрийн шагналт хөгжмийн зохиолч Б.Шаравыг өнөөдөр хүлээн авч уулзаж, уран бүтээлийнх нь талаар ярилцлаа.

Түүний 1987 онд зохиосон алдарт хоёрдугаар симфони нь “Сонгодог хөгжмийн Олон улсын гуравдугаар их наадам”-ын үеэр Д.Д.Шостаковичийн нэрэмжит Ленинградын Филармонийн тайзнаа 1988 оны тавдугаар сарын 22-нд эгшиглэсний 30 жилийн ой өнөөдөр тохиож буй. Энэ ойг тохиолдуулан өнөөдөр ДБЭТ-ын тайзнаа уг алдарт симфонийг тоглох юм байна.

Уулзалтын үеэр Монгол Улсын Ерөнхийлөгч Х.Баттулга түүний энэхүү алдарт Хоёрдугаар симфонийг тоглож байгаа ямар нэгэн дүрс бичлэг үлдээгүйд анхаарлаа хандуулж, дүрст архив үлдээх асуудалд туслахаар болов.

Чингис хааны одонт, Төрийн шагналт хөгжмийн зохиолч Б.Шарав “Хөгжим бол агуулга, Хоёрдугаар симфонийг бичихдээ Нууц товчоо, Чингис хааны тэр аугаа хүчийг илэрхийлэхийг хүссэн” хэмээн онцолсон юм. Мөн энэ бүтээлээ дүрсжүүлж, хүүхэд залууст хүргэх хүсэлтэй явдгаа хэлээд өнөөдөр 19 цагт болох өөрийн уран бүтээлийн тоглолтдоо Монгол Улсын Ерөнхийлөгчийг урилаа.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2018-05-22 13:04:21
    баттулга баасангаа дагуулж очиж тэнэгтэхгуй байгаадаа салхин доогуур нь гарахад гутмаар солиотой авгай хонзогногч зи хоертойгоо монголоос далдарвал монгол ялна
  • saihan toglolt bolno doo! 2018-05-22 10:28:50
    Sarab daa eryyl mended ni sain saihaniig hysye!sarab bol Mongoliin tediigyi delhiin hegjimiin sand todorhoi bair syyriig ezelsen hyn,iimees yrt ydaan naslahiig ...