Шилдэг сурагчдад шагнал гардууллаа

Нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа, нийслэлийн Боловсролын газрын дарга Ж.Гантулга болон холбогдох албаныхан өнөөдөр нийслэлийн шилдэг 25 сурагчид шагнал гардууллаа.

Эрдэм мэдлэг, авьяас чадвараараа үеийнхнээ манлайлж, хот, улс, олон улсын чанартай олимпиад, уралдаан тэмцээнд тэргүүлэн, амжилт гаргасан сурагчдыг Нийслэлийн Засаг дарга бөгөөд Улаанбаатар хотын Захирагч С.Батболдын нэрэмжит “Нийслэлийн шилдэг сурагч” шагналаар шагнадаг уламжлалтай юм.

Шагнал гардуулах арга хэмжээг нээж Нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа “Монгол Улсын Үндсэн хуульд төр засаг нь ард түмнээ, үр хүүхдээ алагчлахгүйгээр дэмжин хөгжүүлэхийг баталгаажуулсан байдаг. Өнөөдөр “Нийслэлийн шилдэг сурагч”-аар шалгарна гэдэг бол та нар улс орондоо төдийгүй дэлхийн дэвжээнд урт амьдрал, хувь заяаныхаа гарааг аль хэдийнэ эхэлснийг  амжилтаар харуулж байгаа хэрэг юм. Сурагчдын  урлаг, спорт, техник, танин мэдэхүйн аль ч салбарт улс орныхоо нэрийг гаргах нь жирийн явдал боллоо. Энэ бол хүүхдүүдийн хувьд эх орон, сургууль багш, эцэг эхийнхээ ачийг хариулж байгаагийн илэрхийлэл билээ. Хүний хайр халамж, халуун сэтгэл, анхаарал халамж тэргүүтэн хүнлэг ёсны дээд үйл хэрэг гэдгийг сайтар ухаарч, идэвхтэй, санаачлагатай аж төрж, суралцангаа ирээдүйгээ өөдрөгөөр харж тэмүүлж байхыг хүсье. Монгол Улсынхаа нэрийн хуудас болсон хүүхэд багачууддаа, улам их амжилт гаргахыг хүсье” хэмээлээ.

Суурь,  бүрэн дунд боловсролын сургалтын чанарыг сайжруулах, суралцагчдын авьяас чадварыг нээн хөгжүүлж, мэргэжлийн чиг баримжаа олгох, багш нарын мэдлэг, ур чадварыг дээшлүүлэхэд чиглэгдсэн дүүрэг, нийслэл, улсын чанартай олимпиадууд энэ онд амжилттай зохион байгуулагдлаа. 2017-2018 оны хичээлийн жилд улсын төрөлжсөн олимпиад 3-н үе үеттайгаар зохион байгуулагдсан. Сургуулийн олимпиадад 72000, дүүргийн олимдиадад 28809, нийслэлийн олимпиадад 4630, улсын олимпиадад 153 сурагч тус тус оролцсон.

Төрөлжсөн олимпиад нь 11 төрөл, 68 ангиллаар явагдаж сургууль, дүүрэг, нийслэлийн аварга сурагчдаа шалгаруулан улсын олимпиадад амжилттай оролцсон төдийгүй ази, олон улсын олимпиадад медальт байранд шалгарлаа. Улсын олимпиадад 12-р ангийн 15 төрөлд оролцож 10 төрөлд нь нийслэлийн сурагчид тэргүүн байрт шалгарсан амжилтаар энэ хичээлийн жилийг үдэж байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ро 2018-05-30 12:34:23
    Шилдэг сурагчын тухай мэдээ бичих гэсэн бол шилдэг сурагчидаа нэр устай нь гаргасан амжилттай нь биччих. Дарга нараа магтах гэсэн бол тэр л биз. Гарчигаа өөрчил...
  • ганбат 2018-05-30 10:54:35
    снуу.Хөгжлийн бэрхшээлтэй иргэдийг дэмжинэ гээд баахан яринаааа.Шал худлаа АН засаг барьж байхдаа мөнгө байна гээд дэмждэг байсан.МАН мөнгө байна гээд дэмжихгүй...