Шороон бумбагарын бунхант газраас 570 гаруй олдвор олджээ
Соёлын өвийн үндэсний төвөөс өнөөдөр археологийн хайгуул бүртгэл, дурсгалын талаар мэдээлэл хийлээ.
 
Энэ үеэр Нүүдлийн соёл иргэншлийн хүрээлэнгийн гишүүн А.Очир, Соёлын өвийн үндэсний төвийн захирал Г.Энхбат Соёлын өвийн үндэсний төвийн мэргэжилтэн Г.Анхсанаа нар оролцов. Монгол Казахстаны хамтарсан  судалгааны баг 2011 онд Булган аймгийн Баяннуур сумын Шороон Бумбагарт орших бунхант дурсгалт газрыг илрүүлсэн байна. Тус газраас 570 гаруй олдвор олджээ.

Тухайлбал 170 гаруй алтан эдлэл, 45 орчим алтан зоос, Энэтхэг, Грек, Ром, Хятад, Солонгос улстай холбоотой олдворууд олдсон аж. Мөн Хүннүгийн үеийн булш 180 орчим, Хүрэл зэвсгийн үеийн 50 орчим булш, 30 гаруй хиригсүүр, Эртний Монгол булш оршуулгын дурсгал 60 орчим, Хүрэл зэвсгийн үед хамаарах хадны зураг, суурин газрын үлдэц хоёр хэрэм, Хятад бичигтэй хөшөөний хугархай олдсон байна.

Шороон бумбагар бунхант булш нь Монгол Улсын нутаг дэвсгэрээс олдсон анхны ханын зураг бүхий дурсгал аж. Тус газрын бүх дурсгалыг улсын тусгай хамгаалалтанд авчээ. 2011-2012 онд архилогийн малтлагаас гарсан олдворуудыг хамгаалахын тулд Хархорум музейд түр хугацаагаар хадгалуулжээ.

О.Сайхан
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.