“Аэро Монголиа” ХХК-ийн захирал С.Батмөнх эрх мэдлээ урвуулан ашиглаж нислэгийн шаардлага хангаагүй онгоц түрээсэлсэн үү
“Аэро Монголиа” ХХК  өнгөрөгч тавдугаар сард АНУ-аас түрээсээр оруулж ирсэн “Embraer ERJ145” маркийн онгоцоо Чингис хаан нисэх буудалд хүлээж авсан билээ. Уг хөлгийг Бразил улсад үйлдвэрлэсэн бөгөөд 50 хүний суудалтай, 850 км/цагийн хурдтай тасралтгүй 2900 км зайд нисэх хүчин чадалтай хэмээн үнэлж байсан.
 
Гэвч “Embraer ERJ145” онгоц нь 19 жилийн өмнө үйлдвэрлэгдэж байсан бөгөөд орчин үеийн зорчигч тээврийн үйлчилгээний стандартад үл нийцсэн онгоц болохыг баттай эх сурвалж мэдээллээ. Эх сурвалжийн мэдээлснээр “уг агаарын хөлөг нь анх Монгол улсад орж ирэхдээ техникийн бүрэн бүтэн байдал дутуу, нислэгийн аюулгүй байдал хангаагүй ирсэн. Үүгээр ч зогсохгүй техникийн нислэг хийх явцад “rejected takeoff” буюу нислэгийн зурвасаас хөөрөх явцад хөдөлгүүрийн хүчин чадал хүрэлцээгүйн улмаас нисэх зурвасын төгсгөлд онгоцыг зогсоосон. Мөн онгоцонд дахиж хоёр ч удаа техникийн үзлэг хийсэн боловч гадаадаас ирсэн нислэгийн дарга нь тус онгоцоор нислэг үйлдэх боломжгүй гэж үзэн цаашид дахин нисэхгүй гэдгээ мэдэгдсэн” гэв.
 
Дээрх алдааг Иргэний нисэхийн ерөнхий газар болон Зам тээвэр аялал жуулчлалын яамны харьяа Осол зөрчил шинжлэн шалгах алба шалгаж байгаа аж.
 
Монгол Улсын холбогдох хууль дүрэмд 15 жилээс дээш хугацаанд ашигласан онгоцыг зорчигч тээврийн үйлчилгээнд ашиглахыг хориглосон заалт байдаг. Гэтэл “Аэро Монголиа” компанийн гүйцэтгэх захирал С.Батмөнх эрх мэдлээ урвуулан ашиглаж, Монгол Улсын хууль дүрмийг зөрчиж ийм онгоц оруулж ирсэн нь Монголын ард түмэн, нийт зорчигчдыг эрсдэлтэй байдалд оруулж байгаа явдал гэдгийг энд онцолмоор байна.
 
Мөн агаарын хөлгийн хөдөлгүүрийн хүчин чадал хүрэлцээгүйн улмаас нисэхээс татгалзаж байсан тохиолдол Монгол Улсын нисэхийн түүхэнд маш цөөн байдаг гэнэ. Үүнээс харахад Монгол Улсын нисэхийн салбарт маш аюултай нөхцөл байдал үүсээд байгаа юм байна.  
 
Э.Болд
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Хулгай 2018-06-14 11:42:06
    Тийм ээ нисэхээс хулгай хийгээд шоронд орсон хулгайч мун одоо хуний амиар тоглох нь дээ
  • доржоо 2018-06-14 08:17:45
    Ямар Батмөнх вэ? Нисэхийн дарга хийж байхдаа мөнгө идэж шоронд ордог шоронгийн ялтан Батмөнх мөн үү?
  • zochin 2018-06-14 08:09:43
    Batmunkh gedeg xun chini miat d ajillaj bxdaa avligiin xergeer yal avj bsan xun shdee, odoo tegeed aeromongoliagiin darga bolson yumuu
  • Gley 2018-06-14 06:01:24
    Ooroo nisgegch xun aldaa xiixgui. Ene dargiin ued nisex mash saixan baej. Odoo dampuursan