Монголын үйлдвэрчний эвлэлийн холбоог шинэчлэх хөдөлгөөний зүгээс өнөөдөр сэтгүүлчдэд хэвлэлийн бага хурал хийлээ.
Тус холбооны анхан шатны 10 гаруй байгууллага нэгдэж энэхүү хөдөлгөөнийг байгуулжээ. Тэд МҮЭ-ийн холбооны удирдлагуудыг шинэчлэхийг шаардаж байгаа юм байна.
Монголын ШУ-ны байгууллагуудын ҮЭ-ийн нэгдсэн хорооны дарга Т.Баясгалан “Монголын ҮЭ-ийг зайлшгүй шинэчлэх шаардлагатай гэдгийг үйлдвэрчний эвлэлийн мянга мянган гишүүд шаардаж байна. Таван жилийн өмнө МҮЭ-ийн даргаар Х.Амгаланбаатар сонгогдсоноос хойш хөдөлмөрчдийн цалин хэдэн төгрөгөөр нэмэгдсэн гэдгийг уулзалт болгон дээр хөдөлмөрчид асууж байна. 2014 оноос хойш цалин нэг ч төгрөгөөр нэмэгдээгүй. Ийм ерөнхийлөгчтэй байхаас залхаж байна. Тийм учраас МҮЭ-ийн ерөнхийлөгчийг огцруулах шаардлага тавьж байгаа юм” гэв.
Түүнчлэн тэрбээр үргэлжлүүлэн “Аливаа нэг тэмцэл хөдөлгөөн МҮЭ-ээс нэгдсэн зохион байгуулалтайгаар өрнөхөө болиод удаж байна. Тэмцлийг дандаа унтраадаг, мөхөөдөг. Үйлдвэрчний эвлэлийн идэвхтэй зүтгэлтнүүд дайжих болсон. Сүүлийн хоёр гурван жилд МҮЭ-ийн холбооны удирдлагууд дандаа мөнгө төгрөгтэй холбоотой асуудалд нэр холбогдсон. Гишүүдийн татварыг буруу зарцуулсан, засгийн газраас мөнгө авсан, МҮЭ-ийн холбооны эд хөрөнгийг үрэн таран хийсэн гэх мэт байнга асуудал дагуулах болсон. Нэг ч удаагийн тайлан байхгүй. Ийм учраас Х.Амгаланбаатарыг огцруулах шаардаж байна” гэлээ.
О.Сайхан
Оллоо.mn
Тус холбооны анхан шатны 10 гаруй байгууллага нэгдэж энэхүү хөдөлгөөнийг байгуулжээ. Тэд МҮЭ-ийн холбооны удирдлагуудыг шинэчлэхийг шаардаж байгаа юм байна.
Монголын ШУ-ны байгууллагуудын ҮЭ-ийн нэгдсэн хорооны дарга Т.Баясгалан “Монголын ҮЭ-ийг зайлшгүй шинэчлэх шаардлагатай гэдгийг үйлдвэрчний эвлэлийн мянга мянган гишүүд шаардаж байна. Таван жилийн өмнө МҮЭ-ийн даргаар Х.Амгаланбаатар сонгогдсоноос хойш хөдөлмөрчдийн цалин хэдэн төгрөгөөр нэмэгдсэн гэдгийг уулзалт болгон дээр хөдөлмөрчид асууж байна. 2014 оноос хойш цалин нэг ч төгрөгөөр нэмэгдээгүй. Ийм ерөнхийлөгчтэй байхаас залхаж байна. Тийм учраас МҮЭ-ийн ерөнхийлөгчийг огцруулах шаардлага тавьж байгаа юм” гэв.
Түүнчлэн тэрбээр үргэлжлүүлэн “Аливаа нэг тэмцэл хөдөлгөөн МҮЭ-ээс нэгдсэн зохион байгуулалтайгаар өрнөхөө болиод удаж байна. Тэмцлийг дандаа унтраадаг, мөхөөдөг. Үйлдвэрчний эвлэлийн идэвхтэй зүтгэлтнүүд дайжих болсон. Сүүлийн хоёр гурван жилд МҮЭ-ийн холбооны удирдлагууд дандаа мөнгө төгрөгтэй холбоотой асуудалд нэр холбогдсон. Гишүүдийн татварыг буруу зарцуулсан, засгийн газраас мөнгө авсан, МҮЭ-ийн холбооны эд хөрөнгийг үрэн таран хийсэн гэх мэт байнга асуудал дагуулах болсон. Нэг ч удаагийн тайлан байхгүй. Ийм учраас Х.Амгаланбаатарыг огцруулах шаардаж байна” гэлээ.
О.Сайхан
Оллоо.mn