Долоо хоногийн баасан гарагийн өглөөг сэтгэл сэрдхийлгэм мэдээгээр эхлүүллээ. Энэ бол улсын хөгжлийн тулгуур болох яамны бодлого боловсруулагчид нэгнийхээ амь насанд хүрсэн түгшүүрт мэдээ юм.
Тодруулбал, Зам тээврийн яамны албан тушаалтнууд ажлын байрандаа архидан, согтуурч маргалдсаны улмаас Төрийн захиргаа удирдлагын газрын дарга 48 настай эрэгтэй М, тус яамны Хяналт шинжилгээ үнэлгээ дотоод аудитын газрын дарга Г-ийн амь насыг хохироожээ.
Энэ хэргийн дуудлага мэдээлэл өчигдөр /08.09/ 21.45 цагт ирсэн бөгөөд "ЗТХЯ-ны байрны гадна хүн нас барлаа" гэсэн мэдээлэл цагдаагийн байгууллагад ирсэн байна.Дуудлага, мэдээллийн дагуу Сүхбаатар дүүргийн цагдаагийн нэгдүгээр хэлтсийн жижүүрийн бүрэлдэхүүн шалгалтын ажиллагаа явуулахад 38 настай эрэгтэй Г-гийн амь нас хохирсон байжээ.
Одоогоор хэргийг Сүхбаатар дүүргийн цагдаагийн нэгдүгээр хэлтэст шалгаж байгаа гэх мэдээллийг албаныхан өгч байна.
Тэгвэл хариуцсан яамных нь дотоод зөрчил хэн нэгнийхээ амь насанд хүртэл хурцадмал байдалд хүрчихсэн байгааг Ж.Бат-Эрдэнэ сайд та мэдэж байсан уу? Хариуцсан яамны ажилтнууд тань ажлын байрандаа баар цэнгээний газар байгаа мэт аяглаж, төрийн тусгай хамгаалалт бүхий газар нэгнийхээ амийг бүрэлгэлээ.
Бодлого боловсруулах үүрэг бүхий албан тушаалтан тань нэгнийхээ амь насанд хүрлээ.Ингэж нэгнийхээ амь насыг бүрэлгэх хүртэл тэд зөрчилдөж, согтуурч, танхайрч байгааг та мэдэж байсан уу? Таны удирдлагад ажиллаж явсан нэгэн залуу ийнхүү ид хийж бүтээх насандаа харамсалтайгаар хорвоог орхилоо. Таны хариуцсан салбар хөл толгойгоо олох нь байтугай "зугаацан" хөлчүүрхэж байхад та ямар чиг үүргээр яамаа удирдан чиглүүлж байсан нь сонин байна.
П.Гоо
olloo.mn
Тодруулбал, Зам тээврийн яамны албан тушаалтнууд ажлын байрандаа архидан, согтуурч маргалдсаны улмаас Төрийн захиргаа удирдлагын газрын дарга 48 настай эрэгтэй М, тус яамны Хяналт шинжилгээ үнэлгээ дотоод аудитын газрын дарга Г-ийн амь насыг хохироожээ.
Энэ хэргийн дуудлага мэдээлэл өчигдөр /08.09/ 21.45 цагт ирсэн бөгөөд "ЗТХЯ-ны байрны гадна хүн нас барлаа" гэсэн мэдээлэл цагдаагийн байгууллагад ирсэн байна.Дуудлага, мэдээллийн дагуу Сүхбаатар дүүргийн цагдаагийн нэгдүгээр хэлтсийн жижүүрийн бүрэлдэхүүн шалгалтын ажиллагаа явуулахад 38 настай эрэгтэй Г-гийн амь нас хохирсон байжээ.
Одоогоор хэргийг Сүхбаатар дүүргийн цагдаагийн нэгдүгээр хэлтэст шалгаж байгаа гэх мэдээллийг албаныхан өгч байна.
Тэгвэл хариуцсан яамных нь дотоод зөрчил хэн нэгнийхээ амь насанд хүртэл хурцадмал байдалд хүрчихсэн байгааг Ж.Бат-Эрдэнэ сайд та мэдэж байсан уу? Хариуцсан яамны ажилтнууд тань ажлын байрандаа баар цэнгээний газар байгаа мэт аяглаж, төрийн тусгай хамгаалалт бүхий газар нэгнийхээ амийг бүрэлгэлээ.
Бодлого боловсруулах үүрэг бүхий албан тушаалтан тань нэгнийхээ амь насанд хүрлээ.Ингэж нэгнийхээ амь насыг бүрэлгэх хүртэл тэд зөрчилдөж, согтуурч, танхайрч байгааг та мэдэж байсан уу? Таны удирдлагад ажиллаж явсан нэгэн залуу ийнхүү ид хийж бүтээх насандаа харамсалтайгаар хорвоог орхилоо. Таны хариуцсан салбар хөл толгойгоо олох нь байтугай "зугаацан" хөлчүүрхэж байхад та ямар чиг үүргээр яамаа удирдан чиглүүлж байсан нь сонин байна.
П.Гоо
olloo.mn