“Бүх зорчигч бүрэн, хүний амь нас эрсдээгүй гэхэд маш их баярласан”
-Галт тэрэгний цонхыг хагалж зорчигчдыг үүрч, өргөж гаргасан-
 

Дорноговь аймгийн Айраг сумын нутаг дэвсгэр “Айраг” өртөөний орчимд энэ сарын 12-ны үүрээр осолдсон “Улаанбаатар-Сайншанд” чиглэлийн 286 дугаар галт тэргэнд үүрэг гүйцэтгэж явахдаа төр, ард түмнийхээ өмнө өргөсөн тангарагтаа үнэнчээр багтаж, хуулиар хүлээсэн үүргээ нэр төртэй биелүүлэн олон хүний амь нас, эрүүл мэндийг авран хамгаалсан Төмөр зам дахь Цагдаагийн газрын тасгийн цагдаа, цагдаагийн ахлагч М.Тулга, цагдаагийн дэд ахлагч П.Золбаяр нартай ярилцлаа.

-Тухайн үед нөхцөл байдал ямар байсан бэ. Та хоёр галт тэрэгний аль хэсэгт зорчиж явсан бэ?

П.Золбаяр: Галт тэрэгний дарга, мастер, цагдаа нарын ажлын байр нь зорчигчдын купенээс тусдаа байдаг. Осол гарах үед бид ажлын байран дээрээ байсан. Зорчигчид унтаж амарч байсан л даа. Гэнэт галт тэргэнд хүчтэй доргилт өгч, бид хоёр арагш налж унасан. Тэрхэн зуурт ослын зогсолт хийсэн гэдгийг мэдээд л гар чийдэнгээ аваад галт тэрэгний урд хэсэг рүү гүйж очсон.

М.Тулга: Осол энэ сарын 12-ний үүрийн 04 цагт 50 минутын орчимд гарсан. Биднийг вагоноос буугаад урагшаа гүйхэд гадаа хүчтэй усархаг бороо орж байсан. Буухад шагайгаар татсан устай, галт тэрэгний хоёр талаар маш хүчтэй ус урсаж, гутал шаварт зоогдоод гүйхэд хүндрэлтэй байсан. Осол гарсан зүтгүүрийн хэсэгт гар чийдэн тусган гүйж очоод хамгийн түрүүнд аюултай нөхцөл байдал үүссэн гурван галт тэрэгнээс 96 зорчигчийг гаргах, аюулгүй газарт арга хэмжээг авсан. Галт тэрэгний хаалга гажиж нээгдэхээргүй болсон байсан тул дараагийн өртөөнөөс ирсэн замчидтай нийлж тэдний багаж хэрэгслээр галт тэрэгний цонхыг хагалан зорчигчдыг аюулгүй гаргасан. Үйлчлэгчдээр гудас, хөнжил, дэвсгэр авчруулан тавцан дээгүүр тавьж байгаад зорчигчдыг буулгасан.

Хүмүүс гарахдаа зүүгдвэл галт тэрэг унах эрсдэлтэй байсан учраас наанаас нь татаж өргөх, цаанаас нь үүрэх байдлаар гаргасан. Галт тэрэгний дарга, мастер, үйлчлэгч нар зорчигчдыг аюулгүй гаргахад маш их туслалцаа үзүүлсэн. Бид бүх зорчигчийг эрүүл саруул, аюулгүй гаргах нэг л зорилготой ажилласан даа. Гэмтсэн, шоконд орсон зорчигчдыг хараад сэтгэл маш хэцүү байсан ч хүн л битгий эрсдээсэй, бүгдийг нь амьд гаргах ёстой л гэж бодож байсан.

-Гэнэтийн ослын улмаас гэмтсэн, цочролд орсон зорчигчдыг аюулгүй гаргах, орилж, хашгирсан тэднийг аргадах, тайвшруулах гээд амаргүй байсан байх?

П.Золбаяр: Осолдсон галт тэрэг рүү гүйж байхдаа хүний амь нас эрсдээгүй байгаасай л гэж бодож байсан. Ер нь нөхцөл байдал амаргүй байсан л даа. Галт тэрэгний зүтгүүрийн хэсэгт машинист, туслах машинист гэж хоёр хүн, ард нь тээш түгээгч, үйлчлэгч хоёр явдаг. Араас нь зорчигчдын галт тэрэг цуваа байдлаар аялдаг юм. Осолдсон галт тэргэнд өндөр настай хүмүүс, бага насны хүүхэд, “Хамрын хийд” рүү гэр бүлээрээ аялж явсан зорчигч ч олон. Тэднийг аюулгүй гаргах ажиллагааг шуурхай явуулсан. Гэтэл ийм хүнд нөхцөлд зарим хүн унах гэж буй галт тэрэгний хажууд зогсоод утсаараа бичлэг хийх зэргээр ёсгүй үйлдэл гаргасан.

М.Тулга: Гэгээ сайн ороогүй байсан болохоор зорчигчдыг гаргахад хүндрэлтэй байсан. Манай нөхөр, эхнэр, хүүхэд маань үлдчихлээ гээд уйлж, орилох, хашгирах хүмүүсийг аль болох аюулгүй гаргаж, тайвшруулахыг хичээсэн. Зорчигчид унтаж байсан болохоор олон хүн гуталгүй, дотуур өмсөж байсан нимгэн хувцастайгаа байсан. Тэгээд зорчигчдыг бүртгэж осолдсон гурван галт тэрэгний аль хэсэгт, хэддүгээр купенд сууж явсан, ямар ачаа тээш авч яваа, хажууд нь хэн байсан гээд бүгдийг тэмдэглэж аваад бүх зорчигч бүрэн, хүний амь нас эрсдээгүй гэх тэр үед маш их баярласан.
Зорчигчдыг гаргаж өөр галт тэргэнд суулгаад, “Айраг” өртөөнөөс хэсгийн байцаагч, цагдаа хоёр маань ирж бид хамгаалалт авсан. Зүтгүүрийн хэсгийн гурван галт унасан учир шатахуун их хэмжээгээр асгарч байсан учир гал гарахаас сэргийлсэн хамгаалалтыг мөн авч ажилласан. Ингээд Онцгой байдал, Эмнэлгийн тусламж, холбогдох албан тушаалтнууд ирсэн.

-Та хоёр өөрсдөө гайгүй юу, бэртэж гэмтээгүй биз дээ?

М.Тулга: Өглөө сүүлийн гурван галт тэргийг чирж явах боломжтой, гажилт багатай гэдгийг тогтоогоод зорчигчдоо тээвэрлэн Чойрын өртөөнд ирэхэд тухайн нэгдсэн эмнэлгийн эмч нар, түргэний машинтайгаа ирсэн байхыг хараад үнэхээр сайхан санагдсан. Тэд бүх хүмүүсийг үзээд шаардлагатай эмчилгээ, үйлчилгээг нь хийгээд л. Эмчид үзүүлэхэд доргилт авсан байна гэсэн. Биед хүнд гэмтэл авсан зүйлгүй, зүгээр ээ.

П.Золбаяр: Зүгээр ээ. Жаахан доргилт авсан л гэсэн.

-Цагдаагийн байгууллагад хэдэн жил ажиллаж байна вэ. Төмөр замын цагдаа байх ямар онцлогтой вэ?

М.Тулга: Би цагдаагийн байгууллагад тав дахь жилдээ ажиллаж байна. Сонгинохайрхан дүүргийн цагдаагийн хэлтсээс ажлын гараагаа эхэлж байсан. Хоёр цагдаагийн алба хаагч тухайн галт тэргээр зорчиж буй бүх зорчигчийн амь нас, эрүүл мэндийг хамгаалж үүрэг гүйцэтгэдэг. Галт тэргэн үүссэн гэмт хэрэг, зөрчил бүгдэд нь очиж ажилладаг.

П.Золбаяр: Цагдаагийн байгууллагад ороод хоёр сар гаруй болж байна. Энэ газраас ажлын гараагаа эхэлж байгаадаа баяртай байдаг.

О.Сайхан
Оллоо.mn 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2018-08-16 01:00:58
    Энэ 2 бол яаж ч харсан шинэковууд,гаот тэрэгнийхээ даргатай хамт шоконд орсон,харин тушаал сайн биүлззлж бсан гэсэн.Жинхэнэ баатарыг гаргасангүй,бас л авилга уу...
  • зочин 2018-08-16 00:54:39
    Өөр нэг цагдаа галт тэргэнд эхнэртэйгээ явж байгаад хэрэг гарсан үед бүгдийш нь удирдсан гэсэн бсан.Тэр үед галт этэрний дарга шокондп орсон бсан гээ биздээ
  • зорчигч 2018-08-15 14:20:47
    Цагдаа нар л амтай нь юмуу хаашаа юм, төмөр замынхан ч бас ажлаа чадах чинээгээрээ л хийж байсан ш дээ.
  • Үнэн  2018-08-15 08:58:24
    Галт тэргээр зорчиж явсан Дорноговийн цагдаа галт тэрэгний дарга болон галт тэрэгний цагдаа нарийг удирдан аврах ажиллагаа явуулсан гэсэн үнэн үү
  • Зочин 2018-08-15 04:23:56
    Бахархаж бна. Үүрэгт ажлаа онцсайн биелүүлсэн цагдаа нарыг шагнах хэрэгтэй.
  • шударгыг хүсэгч 2018-08-15 04:14:32
    Өргөсөн тангараг, үүрэг ажлаа хэвийн сайн хийжээ, баяр хүргэе.Үүний чинь төлөө төр та бүхнийг тэжээж байгаа.Шагнал битгий горьдоод байгаарай...
  • Зочин  2018-08-15 03:08:46
    баяр хүргье.
  • Зочин 2018-08-15 03:07:18
    Сайн үйлс бүтээж яваа сайхан залуустаа хамгийн сайн сайхан бүхнийг хүсье
  • зочин 2018-08-15 02:49:01
    Үүргээ сайн биелүүлсэн байна. Баяр хүргэе
  • Бат 2018-08-15 02:34:59
    Энэ хүмүүсд баярллаа хэдийгээр үүрэг нь тэр ч гэсэн бид үүргээ хэрхэн биелүүлдэг билээ
  • иргэн 2018-08-15 02:26:08
    Үүрэг чинь шүү дээ.
    • Мал 2018-08-15 03:50:33
      Үүрэг байдаг ч тэрийгээ мэдэхгүй малнууд чамаас авахуулаад зөндөө байгаа
      • иргэн 2018-08-16 02:58:58
        Чи даруухан бай. Баатар болох гээд байгаа юм уу. Их мөрөн дөлгөөн, эрдэмтэй хүн даруухан гэдэг юм. Гэвч чи энэ үгний ухааныг ойлгохгүй бизээ.Хийх л ёстой ажил ш...