Түрүүлсэн тамирчныг хурдан удмын даагаар мялаана

Монгол Улсад анх удаагаа Ултра Трайл төрлийн уул ус, тал нуруу, хот сууринг дамжин гүйх гүйлтийн тэмцээн энэ сарын 19-нд Богдхан уулын Шавартын аманд зохион байгуулагдах гэж байна.

Тогтсон зай, засмал замд цагтай уралдаж, зөвхөн ялагч байх, спортын амжилтын төлөө гүйхээс илүү Байгалийн гоо үзэсгэлэн дунд, өөрийгөө танин мэдэж, уралдааны ялагч байхаас илүү өөрийнхөө ялагч нь байж, замаа дуусгах нь тус тэмцээний зорилго юм.

“Ултра Трайл” уулын жимийн 50 км дагуух тэмцэээнд нэгдүгээр байрт шалгарсан Монгол Улсын тамирчин олон улсын Ултра трайл тэмцээнд оролцох эрхийн бичгээр шагнагдах бол “Тал нутгийн” 21 км-ийн уралдаанд тэргүүн байр эзэлсэн эрэгтэй, эмэгтэй тамирчдыг Хурдан удмын даагаар мялаана.

Тус марафонд олон улсын ултра трайл гүйлтийн тамирчин, ууланд авирагч Франц Улсын иргэн Карол Фүкс, Япон Улсын хөл нүцгэн гүйлтийн тамирчин Ёшино Цүёши зэрэг алдартай тамирчид урилгаар хүрэлцэн ирж оролцох бөгөөд дотоодын 1000 гаруй, гадаадын 200 гаруй тамирчид оролцоно. Тухайлбал, Япон Улсаас 100 гаруй оролцогч, Тайланд, Малайз, Хятад, Непал зэрэг зүүн өмнөд Азийн улс орнуудаас 50 гаруй, Европ, Америк тивийн улс орноос 50 гаруй тамирчид, гүйлтийн спорт сонирхогчид хүрэлцэн ирнэ гэж нийслэлийн Аялал жуулчлалын газраас мэдээлэв.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.