П.Орхон хагас шигшээд Рисако Кавайтай оноолт таарлаа

“Жакарта-2018” Азийн наадмын чөлөөт бөхийн тэмцээний эхний өдөр буюу өчигдөр/08.19/ манай эрэгтэй бөхчүүд нэг алт, нэг хүрэл медаль хүртсэн амжилттай өндөрлүүллээ. Тэгвэл өнөөдөр эрэгтэйчүүдийн 125, эмэгтэйчүүдийн 50, 53, 57, 62 жингийн барилдаан болох бөгөөд манай бөхчүүд хэрхэн сугалаа татсаныг хүргэе.

125 кг: Монголын багийн тугч, ОУХМ Н.Золбоо тун хүнд сугалаа татжээ. Тэрбээр тэгшитгэлд Тажикистаны Фаркод Анакуловтой таарсан бөгөөд шөвгийн наймд “Лондон-2012” олимпийн наадмын мөнгө, ДАШТ-ий хүрэл медальт, Узбекистаны Давид Мозманашвилитэй хүч үзнэ. Түүнийг ялбал Жакартад аваргаа хамгаалахаар ирсэн Ираны Парвиз Хадитай хагас шигшээд таарах магадлалтай. Хүнд жинд түрүүлэх магадлалтай гурван бөх нэг хэсэгт багтаж, нэг нь хоосон нутаг буцахаар болж байна. 

50 кг: Азийн АШТ-ий мөнгө, хүрэл медальт, ОУХМ Э.Нарангэрэл тэгшитгэлд Тайландын Манлика Эсатитай хүч үзэхээр болсон. Түүнийг ялбал 1/4 шигшээд Узбекистаны Даулетбик Яахшимуратова, Вьетнамын Ти Сиан Нгьен нарын ялсантай хүч үзнэ.

53 кг: ДАШТ-ий мөнгөн медальт, ОУХМ Э.Сумъяа тун боломжийн сугалаа татлаа. Тэрбээр тэгшитгэлд Энэтхэгийн Пинкитэй учраа таарсан бөгөөд түүнийг ялбал 1/4 шигшээд эзэн орны Деви Улфа, Вьетнамын Ти Ха Фуонг нарын ялсантай барилдана. Хоёр ялбал хагас шигшээд Казахстаны Жулдиз Эшимоватай таарах магадлалтай. Харин өнгөрсөн жилийн дэлхийн аварга Харүна Окүна, 2016 оны Азийн аварга БНХАУ-ын Пан Киану, Энэ жилийн Азийн аварга БНАСАУ-ын Пак Йон Ми нарын шилдгүүд нөгөө хэсэгт “чихэлдэж” нэг нь медальгүй харих нь. 

57 кг:  Азийн аварга, ОУХМ А.Батцэцэг шөвгийн наймд Вьетнамын Ти Ли Киутэй хүч үзнэ. Түүнийг ялбал хагас шигшээд энэ жилийн Азийн аварга БНХАУ-ын Пей Шинру, БНСУ-ын Ум Жи Ун нарын ялсантай барилдахаар оноолт таарав. 

62 кг:  Дэлхийн аварга, гавьяат тамирчин П.Орхон 1/4 шигшээд Вьетнамын Ти Хан Нгьентэй учраа таарлаа. Улмаар хагас шигшээд олимп, дэлхийн аварга Рисако Кавайтай хүч үзнэ. Монгол, япон бүсгүйчүүдийн дуэль өнөөдрийн хамгийн оргил барилдаан гэхэд буруудахгүй болов уу. Нөгөө хэсэгт ДАШТ-ий хүрэл медальт Кыргызстаны Айсулуу Тыныбекова, олимпийн наадмын хүрэл медальт Энэтхэгийн Сакши Малик, БНХАУ-ын Су Руй, Узбекистаны Набира Эсенбаева, Казахстаны Айюлим Кассимова нарын шилдгүүд багтжээ.
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.