Биет бус өвийг хамгаалах асуудлаар зүүн хойд азийн бүс нутгийн хурал болж байна

Соёлын биет бус өвийг хадгалан хамгаалах зүүн хойд азийн бүс нутгийн хурал өнөөдөр боллоо. Энэхүү хурлыг Юнеско-гийн Монголын үндэсний комисс, Ази номхон далайн бүс нутгийн соёлын биетбус өвийн олон улсын мэдээлэл сүлжээний төв Боловсрол шинжлэх ухаан спортын яам хамтран зохион байгуулж байгаа бөгөөд “Соёлын биет бус өв боловсролд: Албан ба албан бус боловсролоор дамжуулан соёлын биет бус өвийг хөхиүлэн дэмжих хамтын ажиллагаа” нэртэйгээр болж байна. Хурлын зорилго нь, соёлын биет бус өвийг хадгалан хамгаалах, хойч үедээ хэрхэн таниулах болон улс орнууд өв соёлоо хамгаалж, хадгалах туршлагаа хуваалцахад оршиж байгаа ажээ. 

Өнөөдөр өв соёлоо хадгалан хамгаалахад боловсролын систем маш чухал үүрэг гүйцэтгэнэ гэдгийг хуралд оролцогчид онцолж байлаа. Тиймээс боловсролын программд тодорхой тусгаж, хүүхэд багачууд, залууст биет бус өв гэдэг ойлголтыг таниулснаар хадгалан үлдэх, судлах, таньж тогтоох боломжтой гэж үзэж байсан юм. БСШУС-ын сайд Ц.Цогзолмаа “Төв азийн цээжинд орших Монголчууд бид өв соёлоо хадгалан үлдсэн ард түмэн. Үүний нэг тод жишээ нь эцэг дээдэс, өнө эртний үеэс өвлөгдөн ирсэн нүүдэлчин соёл юм. Биет бус өвийг таниулах төслийг олон улсын байгууллагатай хамтран хэрэгжүүлж, долоон сургуулийн сурагчдад биет бус өвийн талаархи мэдлэг, ойлголт, хайрлан хамгаалах тухай хичээлээс гадуурх сургалт хийсэн нь үр дүнтэй болсон. Цаашид өв соёлоо хэрхэн хайрлах, хамгаалах, ирээдүйдээ өвлүүлэн үлдээх асуудлыг ерөнхий боловсролын программд тусгах тухай яригдана. Сургалтад оруулахдаа бие бус өв соёл гэдэг нь чухам юу вэ гэдгийг таньж мэдүүлэхэд орших ёстой” гэдгийг онцоллоо. 


Соёлын биет бус өвийг хадгалан хамгаалах зүүн хойд азийн бүс нутгийн хурал нь хоёр өдөр үргэлжилнэ.
 



Эх сурвалж: БСШУСЯ
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.