Боловсролын салбар бизнесийнхний хэтэвчээ түнтийлгэх талбар биш

“2018-2019 оны Хичээлийн шинэ жил” уулзалтыг өнгөрсөн баасан гарагт/08.31/ Хүүхдийн ордонд зохион байгууллаа. Нийслэлд байх ерөнхий боловсролын сургуулиудын бүх захирал энэхүү уулзалтанд ирсэн бөгөөд БСШУС-ын сайд Ц.Цогзолмаа, Ерөнхий боловсролын бодлогын газрын дарга Т.Ням-Очир, НЗДТГ-ын дарга М.Отгонбаяр болон боловсролын газрынхан оролцсон юм.  

Ерөнхий боловсролын сургууль, цэцэрлэгийн багш нарын цалин хөлсийг хичээлийн шинэ жилээс эхлэн нэмэгдүүлж, урамшуулал хэлбэрээр олгох 300 мянган төгрөг төсөвт суусан болохыг салбарын сайд онцолж байлаа. Мөн хүүхдийн сурах орчин, чанарт сургууль онцгой анхааран ажиллах ёстой гэдгийг хэлсэн. Түүнчлэн сургууль бүр есдүгээр сардаа багтаан боловсролын салбарт дутагдаж, үгүйлэгдэж буй зүйл, цаашид авах арга хэмжээ, эцэг эхчүүдтэй хамтран ажиллах асуудлаар хэлэлцүүлэг өрнүүлэхийг даалгав. Ингэснээр намрын чуулганаар өргөн баригдах Боловсролын багц хуульд тулгарч буй зүйлээ хуульчилж, зөв чигт алхах боломж бүрдэх ажээ.

Салбарын сайд Ц.Цогзолмаа “Салбарт тулгарч байгаа томоохон асуудлаа хамтдаа ярьж, зөвшилцөн хэрхэн яаж бэрхшээлээс гарах арга замаа олох нь чухал. Өнгөрсөн хугацаанд явж ирсэн буруу бүхнийг өнөөдрөөс засах ёстой. Миний хувьд салбар хариуцсан цагаасаа л боловсролын салбарыг бизнес, хувийн ашиг сонирхлоо гүйцэлдүүлэх газар гэж боддог нөхөдтэй тэмцэхэд зориулж байна. Барилга, засварын тендер авчихаад ажлаа эхлүүлэхгүй, цаг хугацаанд нь ашиглалтад өгөхгүй байгаа компанитай тэмцэнэ. Үүний цаана ирээдүйн боловсон хүчин бэлтгэх ажил цалгардаж байна. Магадгүй компаниудтай тэмцсэнээр би хар хэрээ мэт харагдах нь гарцаагүй. Гэхдээ эх орны ирээдүй болсон хүүхэд, залуусыг чадварлаг боловсон хүчин, бүтээн байгуулагч болгох ажилд тээг, садаа бологчидтой, салбарыг бизнес хэмээн боддог тэр хэсэгтэй хэзээ ч гар барьж чадахгүй. Боловсролын салбар бизнес, мөнгө олох талбар биш гэдгийг хатуу анхааруулах байна. Та бүхэн ч гэсэн үүнтэй хатуу тэмцэх хэрэгтэй. Үүнээс гадна Боловсролын багц хууль намрын чуулганаар өргөн баригдахаас өмнө сургууль бүр хэлэлцүүлэг өрнүүлж, хуульд юуг хэрхэн тусгаж, алдаагаа засах боломжтой вэ гэдгийг тодорхойлох шаардлагатай байна. Учир нь, эрдэмтэн багш, захирлууд та бүхний санал хамгийн чухал шүү” гэж онцоллоо.
 

 

Хүрэлцэн ирсэн захирлууд ч тулгамдсан асуудлаа шийдэж, гарц гаргалгааг тус бүрдээ эрэлхийлэх нь зүйтэй гэдэгтэй санал нэгдсэн юм. Мөн салбарыг бизнесийн нүдээр хардаг, ашиг хонжоо хайгчидтай тууштай тэмцэхээ илэрхийллээ. Ерөнхийдөө Боловсролын салбар нь бизнесийнхний хэтэвчээ түнтийлгэх талбар биш гэдгийг хатуу анхааруулсан нь цаашид хийх томоохон ажлын нэг, ирээдүйг цогцлоох тэр хэсгийн эрх ашгийг хамгаалах хамгийн том зүйл болж байна. 

Ийнхүү сургууль бүр ирэх сард багтаан багш, эцэг, эхийн дунд томоохон хэлэлцүүлэг зохион байгуулж, өргөн баригдах хуульд ямар асуудлаа хэрхэн тусгахаа тодорхойлох л үлдэж байна. 

Эх сурвалж: БСШУСЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Иргэн 2018-09-03 17:39:23
    Энэ сэтгэгдэл бичсэн нөхдүүд өгүүлбэрээр нь уншихаар ойлгохоо больчихдог юмаа даа. Боловсролын салбараар бизнес хийж баяжих сонирхолтой хэсэг бүлэгт хандсан бна...
  •  2018-09-03 05:55:49
    БИЗНЕСИЙНХЭЭ гэдэг чинь угтаа бол ажил төрөлтэй хэн бүхэний ерөнхий нэр. Дамчин наймааачин хулгайч гэвэл таарна. монгол хэлний нэр томёонд засвар хий.
  • ЗОЧИН 2018-09-02 16:36:09
    БИЗНЕСИЙНХЭН ГЭДЭГТ ХЭНИЙГ ХАМРУУЛЖ ЯРИАД БАЙГАА ЮМ БОЛ. УЛС ТӨРЧИД, АЛБАН ТУШААЛТНУУДЫН ХУЛГАЙН ТАЛБАР БАЙХ ЁСГҮЙ БАЙМААР ЮМ
  • р 2018-09-02 16:31:27
    сайхан шааж бна даа хоорхий
  • Шар 2018-09-02 13:37:39
    Өнгөрсөн онд бүх багш удирдлагуудыг хамарсан том хэмжээний их мөнгө зарсан зөвлөгөөн хийсэн түүнийхээ үр шимийг үзээгүй байна түүнээс гарсан зөвлөмж хаана байна...
    • Ахмад багш 2018-09-03 09:51:13
      Сайд та наад үгээ өөртөө хэлэх хэрэгтэй.Би яг наад үгийг чинь хэлж тэмцэж эхэлсэн юм.Цаашид ч тэмцэнэ.
  • Aimshig 2018-09-02 13:24:59
    Hovdod tsogzol avgai aimgiin orlogch Urnaag uuriin zuvluh geed tsollood tendereer naimaa hiij bna. Hovd aimgiin myangad sumiin surguuliin tender. Ene yanaaaa
  • Багш 2018-09-02 11:39:51
    Өөрөөсөө эхэлж дээ тэгвэл
  • zochin 2018-09-02 06:26:26
    Yagaad tender zarlaad namar eheldeg yum be, munge neheed barilgiin companiudiig daramtlaad hevtchihdeg baikh