“Олон Улсын хамтын ажиллагаа” сэдэвт дурсгалын зоос худалдаанд гарлаа

Монгол Улсын дипломат харилцаа бүхий Оросын Холбооны Улс, Бүгд Найрамдах Хятад Ард Улс, Япон Улс, Бүгд Найрамдах Солонгос Улсын олон улсын хамтын ажиллагааг илэрхийлсэн тэгш өнцөгт хэлбэртэй мөнгөн зоос худалдаанд гарлаа. Уг зоосны загвар нь Монгол Улс болон тухайн улсын бэлгэдлийг дүрслэн илэрхийлсэн ба 2019 онд эдгээр улс оронтой тогтоосон хамтын ажиллагааны тэмдэглэлт ойнуудад зориулжээ.


Дурсгалын зоосыг Монголбанкны нэр, бэлгэдэлтэйгээр үнэт металлаар үйлдвэрлэх, зөвшөөрөл олгох, зоосыг бүртгэх, хадгалах, хамгаалах, тээвэрлэх, хяналт тавих, худалдан борлуулах, үйл ажиллагааг Монголбанкны Эрдэнэсийн сан нь холбогдох хуулийн хүрээнд эрхэлдэг ба түүхэн дурсгалт үйл явдал, тэмдэглэлт ойг тохиолдуулан Монголбанк болон төрийн болон төрийн бус байгууллагын хүсэлтээр дурсгалын зоосыг захиалан үйлдвэрлүүлдэг.

Монголбанк анх 1971 онд Ардын Хувьсгалын 50 жилийн ойд зориулан 1 төгрөгийн нэрлэсэн үнэтэй алт, мөнгө, никел, гуулин зоос гаргаснаас хойш дурсгалын цуврал зооснууд үйлдвэрлүүлэх болсон юм. Тухайлбал,  Монгол Улсын түүхэн тэмдэглэлт ой, Их хаан Чингис, Өгэдэй, Гүюг, Хубилай зэрэг хаад,  мөн дэлхийн болон өөрийн орны төр нийгмийн зүтгэлтэн, олимпын медальт тамирчид, ховор ан амьтад, 12 жил дэх амьтад гэх мэт Монгол Улсыг сурталчлах олон сонирхолтой сэдвийн дор цуврал  дурсгалын зоосыг худалдаанд гаргасаар байна.

Дурсгалын зоосыг судлаач, цуглуулагч, сонирхогч иргэн, байгууллага Эрдэнэсийн сангаас худалдан авах боломжтой юм.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.