Иргэд борооны улмаас эвдэрч сүйдсэн зам, гудамж талбайг засаж өгөхийг хүслээ

Үерийн уснаас үүдэж нийслэлийн зарим гэр хороололын гудамж талбайн зам эвдэрч сүйдэн, борооны ус тогтож, машин тэрэг, хүн явахад хүндрэлтэй болсон. Үүнтэй холбогдуулан Сүхбаатар дүүргийн 15, 16-р хорооны иргэд, оршин суугчдын зүгээс Дамбадаржаа орчимд үүссэн дээрх нөхцөл байдлыг яаралтай засч өгөөч гэсэн хүсэлтийг өөрийн тойргоос сонгогдсон НИТХ-ын төлөөлөгч Г.Төмөрбаатарт уламжилжээ.

Иргэд оршин суугчдын хүсэлтийн дагуу өчигдөр /2018.09.12/ НИТХ-ын төлөөлөгч Г.Төмөрбаатар газар дээр нь очиж нөхцөл байдалтай танилцан, иргэдийн санал хүсэлтийг сонсож СБД-ийн 15,16 дугаар хорооны 58 дугаар сургуулийн зүүн тал, 36 дугаар цэцэрлэгийн урд талыг тохижуулах, хэвийн байдалд нь оруулах, 20, 81, 82 дугаар гудамжны шороон замыг сайжруулах,  хусч тэгшлэх зэрэг ажлыг эхлүүлэх хөрөнгийн эх үүсвэрийг 2018 оны нийслэлийн төсвийн тодотгол, Засаг даргын нөөц хөрөнгөөс санхүүжүүлэн шийдвэрлэж, яаралтай хэрэгжүүлж өгөх хүсэлтийг НИТХ-ын дарга С.Амарсайхан, Нийслэлийн Засаг дарга С.Батболд нарт хүргүүлсэн гэдгийг хэлж байлаа.



Сүхбаатар дүүргийн 16, 17 дугаар хорооны иргэдийн зүгээс  НИТХ-ын төлөөлөгч Г.Төмөрбаатарт хандан  "Олон хоног дараалан орсон борооны улмаас гэр хорооллын гудамжуудад шалбааг тогтон, зам маш их эвдэрч,  хальтиргаа гулгаа үүсч, машинууд эвдэрч,  иргэд гэмтэж бэртэж байна. Нийслэлээс  80 сая төгрөгөөр “Жишиг гудамж” гэж хэсэг газар тохижуулахынхаа оронд 800 мянган төгрөгөөр хэд хэдэн газар шороо асгаад өгвөл бид өөрсдөө тараагаад гудамжныхаа замыг тэгшлэж болох байсан" гэж хэлж байлаа.
 


Мөн 2019 онд хийгдэх хөрөнгө оруулалт, төсөл хөтөлбөр, арга хэмжээг төлөвлөх, ажил үйлчилгээг сайжруулахдаа иргэдийн саналыг авч, гэр хорооллын гудамжуудын замыг засах, гэрэлтүүлэг тавих, худаг барих, автобусны буудлын тоог нэмэх гэх зэрэг  асуудлыг шат дараатай холбогдох газруудад уламжлан шийдвэрлэж өгөх хүсэлтийг НИТХ-ын төлөөлөгч Г.Төмөрбаатарт хүргэлээ.


НИТХ-ын ХМОНХТ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.