​Т.Ууганбаяр: Залуусын хандлага шинэ зууны боловсролын мастер төлөвлөгөө боловсруулахыг шаардаж байна​

БСШУСЯ, НҮБ-ын Хүүхдийн Сан, ЮНЕСКО-ийн Боловсролын төлөвлөлтийн олон улсын хүрээлэн зэрэг байгууллагууд хамтран Монгол Улсын боловсролын төлөвлөлтийн чадавхийг бэхжүүлэх сургалтыг энэ сарын 20-ны өдрөөс эхлэн тав хоногийн хугацаатай зохион байгуулж, өчигдөр сургалтын хаалтаа хийлээ. Хаалтын ажиллагаанд боловсролын салбарын хөгжлийн мастер төлөвлөгөө боловсруулах ажлын хэсгийн гишүүд болох БСШУСЯ болон харьяа байгууллагын удирдлага, мэргэжилтнүүд, их дээд сургуулийн төлөөлөл оролцов. 
 


 

Энэ үеэр БСШУСЯ-ны Олон улсын төсөл хөтөлбөр, гадаад хамтын ажиллагааны газрын дарга доктор Т.Ууганбаяр “Өнөө үед залуучуудын соёлын болон боловсролын хандлага буруу тийш хазайх боллоо. Цахим орчин дахь элдэв хяналтгүй мэдээллээр тархиа угааж байна. Энэ нь бидний өмнө боловсролын салбарын шинэ зууны мастер төлөвлөгөөг боловсруулах зайлшгүй шаардлага байгаагийн нэг илрэл юм. Боловсролтой, зөв хүмүүжилтэй иргэн улс орны ирээдүйг тодорхойлох учраас энэ сургалт маш чухал сургалт юм” хэмээн онцолсон юм.
 


Тав хоногийн хугацаанд тэд бодлого төлөвлөлтийн үйл явц, боловсролын чанар, өртөг зардал ба санхүүжилт, боловсролын салбарын удирдлагын асуудлууд болон боловсролын симуляцийн загварууд зэрэг сэдвүүдийн хүрээнд илтгэл мэдээлэл хийж, хэлэлцүүлэг өрнүүллээ. Ингэхдээ оролцогчид багаар дадлага ажил гүйцэтгэх хэлбэрээр сургалтыг зохион байгуулсан юм.

Эх сурвалж: БСШУСЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.