Өчигдөр 11.00 цагийн үед үүргээ гүйцэтгэж явсан цагдаагийн алба хаагчийг дайрч, хэргийн газраас оргон зайлсан хоёр этгээдийг эрэн сурвалжилж, дайчлан баривчлах ажиллагааг цагдаагийн байгууллагаас зохион байгуулж оройны 22.00 цагийн үед гэрээс нь баривчилжээ.
Тодруулбал, Сүхбаатар дүүргийн нутаг дэвсгэр дээр албан үүргшээ гүйцэтгэж байхдаа сэжиг бүхий тээврийн хэрэгслийг шалгаж байх үед цагдаагийн алба хаагчийн хууль ёсны шаардлагыг эсэргүүцэн, машинаар дайрч хэргийн газрыг орхин зугтааж улмаар машинаа хаяж Гүнт уул руу зугтаасан талаар мэдээлэл байсан юм.
Уг хэргийг үйлдсэн сэжигтэн 45 настай, эрэгтэй Бадамын Энхбаяр, 25 настай, эрэгтэй Түвдэндоржийн Лундаа нар нь өмнө нь залилангийн хэргээр шалгагдаж байсан ял шийтгэл эдэлж байсан этгээдүүд аж.
Гэмт этгээдүүдэд дайруулсан Эргүүлийн цагдаа биедээ хүнд бэртэл авсан аж. Тэрбээр ГССҮТ-д тархины хүнд гэмтэл, суурь ясны бэртлийн улмаас хагалгаанд орсон бөгөөд ухаангүй, биеийн байдал хүнд байгаа ажээ.
О.Сайхан
Оллоо.mn