Ирэх 2019 оны улсын төсөв нэлээд шүүмжлэл дагуулж байгаа. Сангийн сайд нь өөрийн тойрогтоо бусдаасаа илүү их мөнгө төсөвлөсөн байгааг Ерөнхийлөгч эсэргүүцэж, төсөвт хориг тавихаа ч мэдэгдсэн юм.
2019 оны төсөв хэт данхайсан амбицтай болсон. Жирийн аж ахуйн нэгж, жижиг дунд үйлдвэрлэлийг дэмжихгүй харин ч хааж боогдуулсан төсвийг батлах гэж байна гэсэн шүүмжлэл ар араасаа гарсаар байна.
Тухайлбал, ЖДҮ-ийг дэмжих санд өнгөрсөн жил 70 гаруй тэрбум төгрөг төсөвлөж байсан бол өнөө жил мянган төгрөг ч төсөвлөөгүй байгааг зарим УИХ-ын гишүүд эсэргүүцэж байгаа юм.
Уг нь хамгийн багадаа гэхэд 70 орчим тэрбум төгрөгийг төсөвлөх боломжтой байгаа гэнэ. Орон нутагт хуваарилах 189 тэрбум төгрөгийн 70 тэрбумыг жижиг, дунд үйлдвэрлэлийг дэмжих санд төсөвлөх бүрэн боломж бий. Гэвч эдийн засгаа дэмжих гол төслүүдээ орхигдуулсан байгаад шүүмжлэлтэй хандана гэжээ.
О.Сайхан
Оллоо.mn