Голомт банк гадаад худалдааны санхүүжилтийн шилдэг хамтрагчаар өргөмжлөгдлөө
ХБНГУ-ын Commerzbank AG банкаас Монгол улсын бизнес эрхлэгчдийн импорт, экспортын үйл ажиллагааг 2016, 2017 онуудад амжилттайгаар хамтран санхүүжүүлснийг үнэлж Голомт банкыг шилдэг хамтрагч банкаар шалгарууллаа. Голомт банк 1998 оноос хойш Commerzbank AG банктай гадаад төлбөр тооцоо, гадаад худалдааны санхүүжилтийн чиглэлээр хамтран ажиллаж байгаа ба тус банк нь Дэлхийд гадаад худалдааны санхүүжилтаар тэргүүлэгч банк юм.
 

 
 
Голомт банк нь харилцагчдадаа дэвшилтэт техник технологи, байгальд ээлтэй бараа бүтээгдэхүүн, тоног төхөөрөмжийг дотоодын зах зээлд нэвтрүүлэхэд худалдааны санхүүжилтийн төрөл бүрийн шийдлийг санал болгодог ба уул уурхай, хөдөө аж ахуй, барилга, бөөний болон жижиглэнгийн худалдаа, дотоодын үйлдвэрлэгчдэд зориулан импортын зээл, аккредитив, баталгаа, факторинг, инкасс, бүтцэт санхүүжилтийн үйлчилгээг үзүүлдэг.
 
2018 оны эхний 3 улирлын байдлаар Голомт банк харилцагчдынхаа 245 тэрбум төгрөгийн импорт, 73 тэрбум төгрөгийн эскпортыг санхүүжүүлээд байна.
 
Монгол улсаас нээгдэж буй нийт импортын аккредитивийн 32%, БНХАУ-руу нээгдэж буй аккредитивийн 60%-ийг Голомт банк гүйцэтгэж байгаа бөгөөд хамтын ажиллагаатай гадаадын 100 гаруй банк, санхүүгийн байгууллагуудаар дамжуулан харилцагчдынхаа гадаад худалдааг дэмжин ажиллаж байна.
Бусдад түгээх
  • gplus