Цагдаагийн алба хаагчийн зургийг ашиглан иргэдийг цахимаар залилан мэхэлж байжээ
Болор-Эрдэнэ гэгч нь lexus Nymka, Erdene Bileg зэрэг facebook хаяг хуурамчаар нээн цагдаагийн алба хаагчийн албаны дүрэмт хувцастай гэрэл зургуудыг ашиглан “Жолооны эрх сэргээх, ангилал дарж өгнө” гэх зэргээр зар тавьж, чатаар болон утсаар харилцаж залилан хийсэн этгээдийг эрэн сурвалжилж байна.

Тодруулбал, өнгөрсөн 2017 оны 05 дугаар сарын 01-нээс хойш нийт 500 орчим иргэнээс 80.000.000 /наян сая/ орчим төгрөгийг залилан мэхэлж авсан болохыг Цагдаагийн ерөнхий газрын Аюулгүй байдлын хэлтсээс илрүүлэн БЗД-ийн цагдаагийн хэлтэст шалгалтын ажиллагааг хийж байна.

Тус этгээд нь 2018 оны хоёрдугаар сарын 08-ны өдөр Чингэлтэй дүүргийн эрүүгийн хэргийн анхан шатны шүүхээс оргон зайлж 156 дугаартай захирамжаар эрэн сурвалжлагдаж, мөн Хан-Уул дүүрэг дэх цагдаагийн хоёрдугаар хэлтэс, Налайх дүүрэг дэх цагдаагийн хэлтсээс бусдын эд хөрөнгө залилан мэхэлсэн хэргээр тус тус эрэн сурвалжлагдаж байжээ. Иймд иргэд дээрх төрлийн хуурамч зар, мэдээнд хууртаж хохирохгүй байхыг анхааруулж байна.



О.Сайхан
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2018-11-07 08:45:40
    IIM muukhai hkuniig tsagdaa zaabal ilruulj olj bukh khokhirliig teluuleed daraa ni shorond hkiigeerei
  • Бат 2018-11-07 06:41:55
    Хөөрхийдөө бидний цөөхөн монголчуудын гэнэн итгэмхий занг л ашиглаад байна энэ олон хүн залилж байхад төрийн цагдаа хаана байв