“Тэмээ” ярина гэсэн МАН-ын Удирдах зөвлөл “ямаа” яриад тарлаа

МАН-ын Удирдах зөвлөл өчигдөр хуралдлаа. Тиймээс УИХ дахь МАН-ын бүлэг ч хуралдсангүй. Үдийн өмнө 10:30 цагаас эхэлсэн энэ хурал орой 17:00 цагт завсарлаад, 18:00 цагт үргэлжлүүлэн хуралдав.

МАН-ын Удирдах зөвлөлийн 28 гишүүн хуралд оролцсон байна. Өдөр болсон хуралдаанаар Б.Батзоригийн оронд ХХААХҮ-ийн сайдаар УИХ-ын гишүүн Ч.Улааныг нэр дэвшүүлэхээр шийдвэрлэжээ.

Урьдчилан ярьж байснаар уг хурлаар ЖДҮХС-гаас өөрөө болоод хамаарал бүхий этгээд нь зээл авсан гишүүдийн асуудлыг ярина. МАН-ын Бага хурлыг товлоно гэж байсан юм. Гэвч хурлын сценари өчигдөр өглөө намын гишүүдэд мэдэгдсэн бололтой.

Учир нь УИХ дахь МАН-ын бүлгийн дарга Д.Хаянхярваа Удирдах зөвлөл нь хуралдаж эхэлж байх агшинд сэтгүүлчдэд мэдээлэл хийсэн юм. Тэрээр “... Би УИХ-ын гишүүнийхээ хувьд мэдээлэл хийж байна. ЖДҮХС-гаас УИХ-ын гишүүд зээл авсан шуугиан намжихгүй байна. Учир нь энэ асуудлаар Засгийн газар, УИХ, намын төвшинд ямар ч бодитой арга хэмжээ авахгүй байгаа юм. ХХААХҮ-ийн сайд Б.Батзоригийг огцруулснаар энэ асуудал намжих байх гэсэн хүлээлт манай удирдлагуудад байсан байх. Уг асуудлыг ингээд зогсоож болохгүй. Тиймээс УИХ-ын дарга М.Энхболд, Ерөнхий сайд, МАН-ын дарга У.Хүрэлсүх нарт шаардлага хүргүүлж байна.

ЖДҮXС-гаас зээл авсан шат шатны хүмүүст хариуцлага тооц. Хууль хяналтын байгууллагаар шалгуулж, үүрэгт ажлаас нь чөлөөл гэсэн шаардлагыг тавьж байна. Намын Удирдах зөвлөлийн гишүүдээс ЖДҮХС-гаас зээл авсан бол улс төрийн хариуцлага тооц гэж шаардаж байна.

Ерөнхий сайд нь “Ерөнхийлөгч бид хоёр шүдгүй арслан шиг болчихоод байна” гэж хэллээ. Ерөнхийлөгчид, Ерөнхий сайдад эрх мэдэл нь байна. Үүнийгээ Ерөнхий сайд тайлбарла. Тагнуул, Цагдаа, АТГ бүхий л эрх мэдэл тэдэнд байна. Дутаад байгаа эрх мэдлээ УИХ-аар гаргуулж ав. Яагаад шүдгүй арслан шиг болоод байгаагаа хэл. Арваннэгдүгээр сарын 20-ны дотор намын бага хурлаа хуралдуулахыг шаардаж, ЖДҮХС-гаас зээл авсан гишүүддээ хариуцлага тооц” гэсэн юм.

Гэвч МАН-ын Удирдах зөвлөлийн хурлаар энэ асуудлыг нээлттэй ярьсангүй. Харин МАН-ын дарга У.Хүрэлсүхээс УИХ-ын дарга М.Энхболд, УИХ дахь МАН-ын бүлгийн дарга Д.Хаянхярваа, Нийслэлийн Засаг дарга Су.Батболд нарыг албан тушаалаас нь огцруулах саналыг Удирдах зөвлөлдөө оруулсан байна.

Түүний дараа Удирдах зөвлөлийн гишүүд талцаж байгаад хэрэлдэцгээсэн байгаа юм. Ингээд орой болоход намын даргынхаа саналыг дэмжих эсэх талаар санал хураахаар болжээ.

Тэр үеэр УИХ-ын дарга М.Энхболд “...Би МАН-ыг сөрөг хүчнээс эрх баригч нам болгосон. Надад ажлаа өгөх шалтаг шалтгаан байхгүй. Би хууль зөрчөөгүй. Мөн төрийн тогтвортой байдлын төлөө тууштай ажилласан. Хэрэгтэй цаг үед зугтчихаад, эрх баригч болохоор дарга болоод даналзах шаардлага байхгүй” гэсэн байна.

Мөн Нийслэлийн Засаг дарга Су.Батболд “...Би 2.5 жилийн турш хотыг хөгжүүлэхийн төлөө чадахаараа зүтгэлээ. 30 жил төрд ажиллахдаа хулгай хийгээгүй. Төрийн мөнгөнд би гар дүрээгүй. Харин энэ ажлыг авснаас хойш долоо хоног бүрийн пүрэв гариг бүрт над руу зохион байгуулалттайгаар довтолж ирлээ. Миний нэр хүндийг унагаах гэсэн. Сүүлдээ бүр гутаан доромжилсон мэдээллийг зориудаар түгээж, 2.5 жилийн турш түгээлээ. Нэр, хаяггүй энэ цахим хуудсуудыг хуулийн байгууллагаар шалгуулахад бүгд манай намыН гаралтай байсан. Би суудалтайгаа зууралдахгүй ч гэлээ, эхлүүлсэн ажлаа дуусгах нь нийслэлчүүдийн өмнө хүлээсэн үүрэг гэж бодож байна” гэжээ.

Энэ үеэр УИХ-ын гишүүн Х.Нямбаатар “Надад итгэл хүлээлгэвэл би Хотын дарга болъё” гэхэд нь Су.Батболд “Хот бол мөнгө биш шүү Х.Нямбаатар аа” гэсэн байна.

Бас УИХ дахь МАН-ын бүлгийн дарга Д.Хаянхярваа “...Биднийг 60 тэрбумынхан гэж үзэж ажлыг маань өгүүлэхийг хүсч байгаа юм байна. Тэгвэл 65 тэрбум төгрөг ЖДҮХС-гаас бодитойгоор аваад идчихсэн гишүүдэд хэн хариуцлага тооцох вэ. Би ажлаа өгөхэд бэлэн. Ингэлээ гээд У.Хүрэлсүхийн Засгийн газрын сайд нарын хулгай дарагдахгүй” гэжээ.

Завсарлагааны үеэр Удирдах зөвлөлийн гишүүд хоёр талынхаа харьцааг тоолцгооход ХХААХҮ-ийн сайдад нэр дэвшигч Ч.Улаан, УИХ-ын гишүүн М.Оюунчимэг нарын байр суурь тодорхойгүй байна гэцгээж байсан. Өөрөөр хэлбэл, энэ хоёр гишүүн аль талд нь санал өгөхөөс М.Энхболд, Д.Хаянхярваа, Су.Батболд нарыг албан тушаалаас нь огцруулах эсэхийг шийднэ гэсэн үг юм.

Хурлын үеэр Су.Батболдыг огцруулах тухай албан бичигт Ерөнхий сайд гарын үсэг зурж НИТХ-ын дарга С.Амарсайханд хүргүүлэхээр болсон байв. Дугаар шилжих мөчид буюу 19:45 цагт МАН-ын Удирдах зөвлөл ямар нэгэн шийдвэр гаргаагүй байлаа.

Зууны мэдээ
С.Уянга
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ард түмэн 2018-11-14 13:01:22
    мэдээлэлд ойрхон албан тушаалаа урвуулан ард түмний сангаас хулгайлан авч банк бус санхүүгээр мөнгө угаасан хулгайчдыг гишүүний эрхийг нь түдгэлзүүлж шалгах хар...
    59.153.115.52
    Мэдэгдсэн Хариулах
  • ажиглагч 2018-11-13 10:52:31
    хурэлсүхээ. могойг дутуу алваа гэсэн доорхи хуний уг яасан унэн уг вэ
    202.9.41.191
    Мэдэгдсэн Хариулах
  • a 2018-11-13 07:15:39
    UIH taraah ni zuv, Tegeed ZG uuree ogtsor. ZG chin UIH gishuudees burdsen sh de
    202.9.40.9
    Мэдэгдсэн Хариулах
  • Зочин 2018-11-13 04:39:21
    Сэтгэлийн хөдөлгөөнөөр чонын амнаас барын аманд орох бий дээ. Үнэндээ бол Батзандангийн хэлж байгаа шиг ЖДҮ-ийн зээл юу ч биш шүү. Болгоомжтой байгаарай даа
    119.40.99.30
    Мэдэгдсэн Хариулах
  • иРГЭН 2018-11-13 04:27:43
    Ерөнхий сайд нэгэнт далайсан бол гүйцээх хэрэгтэй...Могойг дутуу алдаггүй юмаа. Дутуу алсан могой эргээд босож ирвэл одоогийн ярьж байгаагаас чинь маш их аюулта...
    124.158.111.6
    Мэдэгдсэн Хариулах
  • Зочин 2018-11-13 04:04:06
    энэ бүх солилцоо юунд ашигтай юм? нэг хулгайчийг нөгөө хулгайчаар солиод чанарын ялгаа гарах уу? бүгд хулгайчууд шдээ та нар. Хүрэлсүх өөрөө хадгаламж 14 тэрбум...
    103.229.122.204
    Мэдэгдсэн Хариулах
  • зочин 2018-11-13 02:16:55
    Хүрэлсүх маш зөв явж бна. . ХХБанкны 49%-ын нэг, 60 тэрбумын нэг Миеэ-г холдуулахгүйгээр ажил хийх боломжгүй шүү.. Засгийн бүх ажлыг гацааж байгаа хүн бол Миеэ...
    203.91.118.247
    Мэдэгдсэн Хариулах
  • Иргэн 2018-11-13 02:04:59
    Хүрэлсүх бол хэдэн жилийн өмнө намын нэрийг сольж, намыг - хуваасан. Одоо ялсан үуд төрийн эргэлт хийж, намаа 2 хуваалаа. Энэ хүн эрх мэдлийн төлөө хүн ална.
    64.119.20.79
    Мэдэгдсэн Хариулах
    • Zochin 2018-11-13 19:58:15
      Uugan neree avhgui bol ugaasaa n.enhbayr avah baisan mahn daraa n avaa bizdee.
      64.119.21.215
      Мэдэгдсэн Хариулах
  • Зочин 2018-11-13 02:03:31
    Бүгдээрээ далдар!!!. Муусайн хулгайч луйварчид!!!.
    203.91.115.43
    Мэдэгдсэн Хариулах
  • zochin 2018-11-13 01:53:06
    У.Хүрэлсүх бол хариуцлагаас зугтааж чаддаг шигээ бялууны амттай хэсгийг хамгийн түрүүнд хүртэж чаддаг эр. Удирдсан нам нь сонгуульд ялагдаж, УИХ-д сонгогдсон нь...
    119.40.103.150
    Мэдэгдсэн Хариулах
  • Бат 2018-11-13 01:45:04
    Үндсэн хуулинд параламентаа 2 танхимтай болгох эсвэл ёрөнхийлөгчийн засаглалтай болж төрийн ажилд хяналт тавихгүй бол төр мухардалд орлоо
    202.9.42.42
    Мэдэгдсэн Хариулах
  • Зочин 2018-11-13 01:39:26
    Бие биенийхээ булхайг мэднэ, түүгээрээ рекетлээд бхаар шүдгүй арслан бололгүй яахав
    43.242.243.251
    Мэдэгдсэн Хариулах
  • irgen 2018-11-13 01:26:18
    Төрийн мөнгө гэж байхгүй. Ганцхан ард түмний мөнгө гэж байдаг юм.
    202.126.89.138
    Мэдэгдсэн Хариулах